+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

بەيجىڭدە اباي وقۋلارى ءوتتى

10 تامىز 21:47
:ءبولىسۋ
بەيجىڭدە اباي وقۋلارى ءوتتى

بەيجىڭ. قازاقپارات - اباي كۇنىن مەرەكەلەۋ اياسىندا بەيجىڭنىڭ ورتالىق «چاويان» ساياباعىنداعى «جينتاي» مۇراجايىندا اباي وقۋلارى وتكىزىلدى، دەپ حابارلايدى «قازاقپارات» ح ا ا مەنشىكتى ءتىلشىسى.

ءىس- شارا ايگىلى قىتاي ءمۇسىنشىسى يۋان سيكۋن جاساعان، 2014 -جىلدىڭ ناۋرىز ايىندا بەيجىڭ ورتالىعىنداعى «چاويان» ساياباعىندا ورناتىلعان اباي ەسكەرتكىشىنە گۇل قويۋ راسىمىنەن باستالدى. اباي وقۋلارىن ق ح ر سىرتقى ىستەر مينيسترلىگىنىڭ، مادەنيەت جانە تۋريزم مينيسترلىگىنىڭ، قىتاي حالىق شەت ەلدەرمەن دوستىق قوعامىنىڭ، ش ى ۇ حاتشىلىعىنىڭ، قىتايداعى ت م د ەلدەرى ديپلوماتيالىق وكىلدىكتەرىنىڭ باسشىلارى، قازاقستان جانە قىتاي ستۋدەنتتەرى تىڭدادى.

قر- نىڭ ق ح ر- داعى ەلشىسى عابيت قويشىبايەۆ ءوز سوزىندە ابايدىڭ شىعارماشىلىعى، ونىڭ قازاق فيلوسوفياسى مەن ادەبيەتىنىڭ قالىپتاسۋىنداعى ءرولى تۋرالى قىسقاشا ايتىپ بەردى.

«وسىدان جەتى جىل بۇرىن بەيجىڭنىڭ قاق ورتاسىندا ۇلى اقىن ابايعا ەسكەرتكىش ورناتىلعان ەدى. بۇل ايتۋلى وقيعا ەكى جاقتى مادەني- گۋمانيتارلىق ىنتىماقتاستىقتا ماڭىزدى ءىز قالدىرىپ، قىتاي جۇرتشىلىعىن قازاق ادەبيەتىنىڭ كلاسسيكاسىمەن تانىستىرۋعا جاسالعان تاعى ءبىر قادام بولدى»، - دەدى ول.

ديپلومات ابايدى قىتاي تىلىنە العاشقى بولىپ دارىندى اۋدارماشى حا حۋانچجان اۋدارعانىن ەسكە سالدى. اباي شىعارمالارىن قىتاي تىلىنە اۋدارۋعا اتاقتى جازۋشى جانە ادەبيەتتانۋشى اكبار ءماجيت ۇلكەن ۇلەس قوستى. ءوز كەزەگىندە قىتايلىق ءمۇسىنشى يۋان سيكۋن سوڭعى جىلدارى بەيجىڭدەگى اباي ەسكەرتكىشىندەگى اباي وقۋلارى جاقسى داستۇرگە اينالعانىن اتاپ ءوتتى.


«جىل سايىن مۇندا ابايدىڭ كلاسسيكالىق ولەڭدەرىن وقۋ ءۇشىن قازاقستان مەن قىتايدان جاستار جينالادى»، - دەدى ول.

«قىتاي جازۋشىلارى» باسپا توبى باس باسقارماسىنىڭ باسشىسى اكبار ءماجيت بۇرىن اباي قازاق دالاسىنىڭ ۇلى بولعانىن، ونىڭ شىعارمالارىن الەمنىڭ 47 تىلىنە اۋدارعاننان كەيىن اباي الەمگە تانىمال بولعانىن اتاپ ءوتتى. سونداي- اق، اكبار ءماجيت قىتايدا ابايدىڭ ەڭبەكتەرى مەن قارا سوزدەرى 1950-جىلداردان باستاپ قىتاي تىلىنە اۋدارىلىپ كەلە جاتقانىن تىلگە تيەك ەتتى.

قازاق ءتىلىن ۇيرەنىپ جۇرگەن قىتايلىق ءبىلىم الۋشىلار مەن قىتايدىڭ جوعارى وقۋ ورىندارىندا وقىپ جاتقان قازاقستاندىق جاستار اباي شىعارمالارىنان ۇزىندىلەر كورسەتىپ، قازاقستاندىق ديپلوماتتاردىڭ بالالارى قازاقتىڭ تانىمال مۋزىكالىق كومپوزيتسيالارىن ورىندادى.

اۆتورى: رۋسلان سۇلەيمەنوۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات