دانيال احمەتوۆ: اباي - ۇلت ماقتانىشى، پاراسات بيىگىنە كوتەرىلگەن تۇلعا
«بۇگىن عۇلاما، ويشىل، اقىن، اعارتۋشى، اۋدارماشى، كومپوزيتور رەتىندە ەل تاريحىندا وشپەس ءىز قالدىرعان اباي قۇنانباي ۇلىنىڭ دۇنيەگە كەلگەن كۇنى. وسىعان وراي، ۇلى اقىننىڭ ەسكەرتكىشىنە گۇل شوقتارىن قويدىق. بىلتىر ق ر پرەزيدەنتى قاسىم- جومارت توقايەۆتىڭ تاپسىرماسى بويىنشا ۇكىمەت 10-تامىزدى «اباي كۇنى» دەپ بەلگىلەپ، مەرەكەلەر تىزىمىنە ەنگىزدى. وزدەرىڭىز جاقسى بىلەسىزدەر، وتكەن جىلى قازاقستاننىڭ باستاماسىمەن، يۋنەسكو- نىڭ قولداۋىمەن ۇلى اقىنىمىزدىڭ 175 جىلدىق مەرەيتويى جاھاندىق دەڭگەيدە اتالىپ ءوتتى. ەلىمىزدە دە اۋقىمدى ءىس- شارالار ۇيىمداستىرىلىپ، قازاقتىڭ باس اقىنىنىڭ رۋحىن اسقاقتاتار يگى ىستەر اتقارىلدى. اباي - ۇلت ماقتانىشى، پاراسات بيىگىنە كوتەرىلگەن تۇلعا! ول جۇرتتى ءبىلىم مەن عىلىمعا، ونەرگە، ادالدىققا جەتەلەدى، تولىق ادام بولۋعا ۇندەدى. اباي مۇراسى - ءبىزدىڭ ۇلت بولىپ ۇيىسۋىمىزعا، ەل بولىپ دامۋىمىزعا جول اشاتىن قاستەرلى قۇندىلىق. ابايدىڭ ايتقان اقىلىن سانامىزعا سىڭىرسەك، تۇرمىسىمىزدا كادەگە جاراتساق، اداسپايتىنىمىز اقيقات. تۇپتەپ كەلگەندە حالقى ساۋاتتى ءھام مادەنيەتتى، ءبىلىم مەن ونەرگە باي، ورگە ۇمتىلعان ەڭسەلى ەل بولامىز»، - دەدى وبلىس اكىمى.
سونداي- اق ول قالىڭ كوپشىلىكتى «اباي كۇنى» مەرەكەسىمەن قۇتتىقتاي وتىرىپ، وتباسىلارىنا اماندىق، باق- بەرەكە تىلەدى.
