وليمپيادانىڭ التىن مەدالىن تىستەگەن جاپونيا مەرى سىنعا ۇشىرادى

None
None
ناگويا. قازاقپارات - سوفتبولدان جاپوندىق كوماندانىڭ جەڭىپ العان التىن مەدالىن تىستەپ كورگەن ورتالىق جاپونيا مەرىنىڭ ارەكەتى ءبىراز شۋ شىعاردى، دەپ حابارلايدى قازاقپارات.

ناگويا قالاسىنىڭ مەرى تاكاشي كاۆامۋرانىڭ بۇل قىلىعى سارسەنبى كۇنى قالانىڭ 20 جاستاعى تۋماسى ميۋ گوتونىڭ توكيوداعى وليمپيادا ويىندارىندا قۇراما شتاتتار كومانداسىن جەڭگەن سوڭ مۋنيتسيپالدىق بيلىككە كەلگەنىندە ورىن العان.

گوتو مەدالدى كاۆامۋرانىڭ موينىنا ىلگەنىندە، ول اۋەلى ونى ۇستاپ تۇرىپ، «اۋىر ەكەن» دەگەن سوڭ، كەنەتتەن ودان سۇراماي مەدالدى تىستەپ الدى. تۆيتتەردە كوپ ادام بۇل ارەكەتتىڭ جاپونيادا «كوروناۆيرۋس وقيعالارىنىڭ كوبەيۋى كەزىندە حاباردارلىقتىڭ جەتكىلىكسىزدىگىن» تانىتىپ وتىرعانىن ايتتى.

گوتو ويناپ جۇرگەن كلۋب كومانداسىنا يەلىك ەتىپ وتىرعان Toyota Motor Corp. كاۆامۋراعا قاتىستى سىن ايتىپ، «بۇل - لايىقسىز، ءارى قۇرمەتكە تۇرمايتىن ارەكەت»، دەپ جازدى.

«ءبىز مەردىڭ ءوزىن ءتيىستى تۇردە، كوشباسشى سياقتى ۇستاناتىنىنا سەنگىمىز كەلەدى»، - دەپ مالىمدەدى كومپانيانىىڭ ناگوياعا جاقىن ورنالاسقان بولىمشەسىنەن.

سارسەنبى كۇنى كاۆامۋرا ءوز ارەكەتى ءۇشىن كەشىرىم سۇراعان. «بۇل مەنىڭ قۇشتارلىعىمنىڭ كورىنىسى ەدى. قانداي دا ءبىر پروبلەمالار تۋىنداتقانىما وكىنىش بىلدىرەمىن»، - دەدى ول ءوز مالىمدەمەسىندە.

اۆتور: زارينا تۋعانبايەۆا

سوڭعى جاڭالىقتار