+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

حالقىمنان كەشىرىم سۇرايمىن، بارىمدى سالدىم- ساكەن بيبوسىنوۆ بۇگىنگى كەزدەسۋدى قورىتىندىلادى

5 تامىز 16:40
:ءبولىسۋ
حالقىمنان كەشىرىم سۇرايمىن، بارىمدى سالدىم- ساكەن بيبوسىنوۆ بۇگىنگى كەزدەسۋدى قورىتىندىلادى

نۇر- سۇلتان. قازاقپارات – بوكستان 52 كەلى سالماق دارەجەسىندە توكيو وليمپياداسىنىڭ قولا جۇلدەگەرى اتانعان ساكەن بيبوسىنوۆ جارتىلاي فينالدىق جەكپە- جەكتەن سوڭ سۇحبات بەردى، دەپ حابارلايدى Olympic.kz.

جۋرناليستەر الدىنا شىققان ساكەن كوپكە دەيىن ءوز- وزىنە كەلە الماي، كوز جاسىنا ەرىك بەردى. تەك باپكەرى مىرزاعالي ايتجانوۆ پەن ب ا ق وكىلدەرىنىڭ قولداۋىنان سوڭ بيبوسىنوۆ بۇگىنگى جەكپە- جەك جايلى پىكىرىمەن ءبولىستى.

«توكيو وليمپياداسىنا التىن الامىن دەپ كەلگەنمىن. ءبىراق قولا جۇلدە بۇيىرىپ تۇر ەكەن. جانكۇيەرلەردى، قازاق حالقىن التىنمەن قۋانتىپ، توكيو تورىندە ءانۇرانىمىزدى ويناتۋدى باستى ماقسات ەتتىم. وكىنىشكە قاراي، ول ارمانىما جەتە المادىم. بار كۇش- جىگەرىمدى سالدىم. سوڭىنا دەيىن جۇدىرىقتاستىم. ءبىراق ساتتىلىك جەتپەدى. بارشا جانكۇيەردەن، بارشا حالىقتان جەڭىلگەنىم ءۇشىن كەشىرىم سۇرايمىن. ءبىرىنشى راۋندتى قارسىلاسقا بەرىپ قويدىم، قالعان ەكى راۋندتا ايانىپ قالمادىم. باپكەرلەرىم ءبىرىنشى كەزەڭنەن سوڭ 5:0 ۇتىلىپ جاتقانىمدى ايتقان سوڭ ودان سايىن العا باستىم. ەندى قولا جۇلدەنى قاناعات تۇتامىز. بۇل مەنىڭ ءبىرىنشى وليمپيادام. ءتىپتى، توكيوعا بارا الماي قالۋىم دا مۇمكىن ەدى. جولدامانى ەڭ سوڭعى ساتتە جەڭىپ العانىمدى بىلەسىزدەر. سوندىقتان بارىنە قاناعات. باپكەرىمدى، حالقىمدى قۋانتقىم كەلگەن. بۇيىرعانى قولا ەكەن. جۇلدەمدى بارشا قازاقستاندىقتارعا ارنايمىن. وسى وليمپياداعا كەلگەن سوڭ تۋعان اعام قىزدى بولدى. جەڭگەم بوساندى. ايلين دەگەن كىشكەنتاي قارىنداسىما دا وسى مەدالىمدى ارنايمىن»، - دەيدى بيبوسىنوۆ.

ايتا كەتەلىك، جارتىلاي فينالدا ساكەن بيبوسىنوۆ 2:3 ەسەبىمەن ۇلى بريتانيالىق دجالال يافايگە ەسە جىبەردى.

ساكەندى باپتاعان مىرزاعالي ايتجانوۆ تا بۇل جارىستىڭ وڭاي سوقپاعانىن ايتتى. تورەشىلەردىڭ وسىعان دەيىنگى شەشىمدەرىنە كوز جۇمىپ كەلدىك، ال بۇگىنگى ءىسى قازاق بوكسىنا جاسالعان قيانات دەپ قالدى. وليمپياداعا ءبىزدىڭ ەلدەن توعىز بوكسشى بارعان ەدى. سونىڭ ەكەۋى قورجىنعا قولا سالدى. قازاقستان وليمپيادا تاريحىندا العاش رەت بوكستان التىن جۇلدەسىز قالدى.

www.24.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات