كوروناۆيرۋستان جازىلعاننان كەيىن دەنساۋلىقتى قالاي قالپىنا كەلتىرۋگە بولادى

الماتى. قازاقپارات - الماتىلىقتارعا كوروناۆيرۋس ينفەكسياسىنان سوڭ دەنساۋلىقتى قالاي قالپىنا كەلتىرۋگە بولاتىندىعى ايتىلدى، دەپ حابارلايدى قازاقپارات.

شەتەلدىك جانە وتاندىق ەپيدەميولوگتار COVID-19 ىشكى اعزالارعا اسەر ەتەتىنىن جانە اۋرۋ ەمدەلگەننەن كەيىن دە ساقتالاتىنىن ايتادى. الماتىداعى №8 ەمحانانىڭ باس دارىگەرى فاريدا اعىبايەۆا كوروناۆيرۋس جۇقتىرعان ناۋقاستارعا اقىل- كەڭەس بەردى. كوروناۆيرۋستان كەيىن وڭالتۋ اۋرۋدىڭ دارەجەسىنە قاراماستان ەمدەلگەندەردىڭ بارىنە قاجەت. كوروناۆيرۋس پنيەۆمونياسىنىڭ ورتاشا جانە اۋىر تۇرىمەن اۋىرعان پاتسيەنتتەرگە كەشەندى وڭالتۋ مىندەتتى تۇردە قاجەت.

«ستاتسيوناردان شىققاننان كەيىن اۋرۋدىڭ ورتاشا نەمەسە اۋىر تۇرىمەن اۋىرعان ناۋقاستاردى مەديتسينالىق باقىلاۋ ۇيدە ەمحانا دارىگەرىنىڭ باقىلاۋىمەن جالعاسادى. ەمدەۋدىڭ جالپى جاعدايىنا بايلانىستى باقىلاۋ كەزەڭى جەكە انىقتالادى»، - دەدى ف. اعىبايەۆا.

كورسەتكىشتەر بويىنشا پسيحولوگيالىق جانە رەسپيراتورلىق وڭالتۋ امبۋلاتوريالىق جاعدايدا نەمەسە مامانداندىرىلعان اۋرۋحانادا جۇرگىزىلەدى. ق ر دەنساۋلىق ساقتاۋ مينيسترلىگىنىڭ 10.02.2020 ج. №98 بۇيرىعىنا سايكەس اۋىر جانە ءحالى اۋىر ناۋقاستارعا، قارتتارعا، سەمىزدىككە شالدىققان ناۋقاستارعا، جۇكتى ايەلدەرگە، قاتار جۇرەتىن پاتولوگياسى بار پاتسيەنتتەردى جەكە وڭالتۋ جوسپارى جاسالادى. ف. اعىبايەۆانىڭ ايتۋىنشا، وڭالتۋ ادىستەرى ولاردىڭ ماقساتتارىنا بايلانىستى. سىزگە تىنىس الۋ ديناميكاسىن جاقسارتۋ، مازاسىزدىق پەن دەپرەسسيا بەلگىلەرىن جويۋ جانە باسقالار قاجەت بولۋى مۇمكىن. وسى ماقساتتارعا بايلانىستى وڭالتۋ ادىستەرى قولدانىلادى. مىسالى، ناۋقاس ەمدىك، تىنىس الۋ گيمناستيكاسىمەن ەمدەلەدى، ناۋقاستىڭ ورنالاسۋى - قالىبىنىڭ وزگەرۋى.

«پوزيتسيالىق ەم تىنىس الۋ، جەلدەتۋ، پەرفۋزيا جانە درەناج فۋنكسيالارىن جاقسارتۋ ءۇشىن قولدانىلادى. سونداي- اق، تىرەك- قيمىل اپپاراتى مەن ترومبوزدىڭ الدىن الۋدى جاقسارتادى. ءۇشىنشىسى - رەسپيراتورلىق وڭالتۋ، ول كلينيكالىق كورىنىستەرگە سايكەس تىنىس الۋدى قالپىنا كەلتىرەدى، ونىڭ ىشىندە درەناجدىق فۋنكسيانى جاقسارتۋ ءۇشىن فيزيوتەراپيالىق ادىستەردى قولدانىلادى»، - دەدى كلينيكانىڭ باس دارىگەرى.

ول كوۆيدتان كەيىنگى وڭالتۋ ادىستەرىنىڭ ناقتى سيپاتتاماسىن جەتە ءتۇسىندىردى. سونىمەن قاتار، پسيحولوگيالىق وڭالتۋ مەن قولداۋ قاجەت، ءومىر سالتىن تۇزەتۋ، تەڭدەستىرىلگەن تاماقتانۋ جانە تەمەكى شەگۋدەن باس تارتۋ قاجەت. ەگەر دەرت اۋىر وتسە ءارى وندا جۇيكە، جۇرەك- قان تامىرلارى، بۇيرەك، باۋىر فۋنكسيالارى بۇزىلۋى مۇمكىن. سوندىقتان ءار ناۋقاستىڭ اعزاسىنا وراي وڭالتۋ جەكە تاڭدالادى.