+7 (701) 759 90 19
2 °С : نۇر-سۇلتان
13 °С : الماتى
USD 425.85 EUR 499.78
RUB 5.82 CNY 65.87
جاڭالىقتار

ءورتتىڭ كەسىرىنەن وليمپيا قالاشىعىنىڭ تۇرعىندارى ەۆاكۋاتسيالاندى

5 تامىز 13:24
:ءبولىسۋ
ءورتتىڭ كەسىرىنەن وليمپيا قالاشىعىنىڭ تۇرعىندارى ەۆاكۋاتسيالاندى

افينا. قازاقپارات - سارسەنبى كۇنى گرەكيا اۋماعىنداعى ءورت سالدارىنان ەجەلگى وليمپيا قالاشىعىنىڭ تۇرعىندارى ەۆاكۋاتسيالاندى.

رەكورد ىستىق سالدارىنان 24 ساعات ىشىندە ەلدە 100-دەن استام جەردە ورمان ءورتى شىقتى، دەپ حابارلايدى قازاقپارات The New York Post-قا سىلتەمە جاساپ.

ەجەلگى وليمپيا - ەجەلگى وليمپيادا ويىندارى باستالعان جانە كوپتەگەن عاسىرلار بويى وتكىزىلگەن ورىن. 520 دان استام ءورت ءسوندىرۋشى، 17 كوماندا، 150 ءورت ءسوندىرۋ كولىگى، توعىز تىكۇشاق جانە جەتى ۇشاق دەرەۋ ءورتتى سوندىرۋگە جىبەرىلدى.

قازىرگى مالىمەت بويىنشا، 1250 گەكتار جەر ورتەنىپ، 76 ءۇي مەن 27 كاسىپورىنعا قاتتى زاقىم كەلگەن، 18 ءۇي ءىشىنارا بۇزىلعان. Greek Reporter-دىڭ حابارلاعۋىنشا، گەراكلەيا، پۋرناري، پەلوپيو، پلاتانوس جانە كافكانيا اۋىلدارىنىڭ تۇرعىندارى دا ەۆاكۋاتسيالانعان.

«ءورتتى سوندىرۋگە بار كۇش- جىگەرىمىزدى سالامىز»، - دەدى ازاماتتىق قورعانىس باستىعى نيكوس حاردالياس (Nikos Hardalias) Associated Press-كە.

«ەڭ قيىنى - الدا. الداعى كۇندەر مەن اپتالار ودان دا اۋىر بولادى. ءبىزدىڭ باستى ماقساتىمىز - ادامداردى قورعاۋ»، - دەدى ول. حارادالياس 24 ساعات ىشىندە 118 ورمان ءورتى شىققانىن ايتتى. بيلىك وليمپيا ماڭىنداعى پەلوپوننەستىڭ وڭتۇستىك ايماعىنداعى تۇرعىنداردى ەۆاكۋاتسيالاۋعا ءماجبۇر بولدى. ەۆيا ارالىنان 90 عا جۋىق ادامدى قايىقپەن ەۆاكۋاتسيالاۋعا تۋرا كەلگەنى اتاپ ءوتىلدى.

ءورت سارسەنبىدە گرەكياداعى اۋا تەمپەراتۋراسى 45 گرادۋسقا جەتكەن كەزدە باستالدى. بۇل - 1987 -جىلدان بەرى تىركەلگەن ەلدەگى باقىلاۋ تاريحىنداعى ەڭ جوعارى تەمپەراتۋرا. ب. ز. د. 776 -جىلدان ب. ز. 393 -جىلعا دەيىن ويىندار وتكىزىلگەن ەجەلگى وليمپيا 2007 -جىلى ورمان ورتتەرىنەن زارداپ شەككەن بولاتىن. ول كەزدە ءتىلسىز جاۋ ونداعان ادامنىڭ ءومىرىن قيعان ەدى. سول كەزدە ەجەلگى جەرلەردىڭ قيراندىلارى قۇتقارىلعان.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات