+7 (701) 759 90 19
13 °С : نۇر-سۇلتان
27 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

كوروناۆيرۋس ەكپەسىنىڭ ەكى دوزاسىن سالدىرۋ نە ءۇشىن قاجەت - دارىگەر ءتۇسىندىردى

5 تامىز 13:01
:ءبولىسۋ
كوروناۆيرۋس ەكپەسىنىڭ ەكى دوزاسىن سالدىرۋ نە ءۇشىن قاجەت - دارىگەر ءتۇسىندىردى

الماتى. قازاقپارات - ۆاكسيناتسيانىڭ باياۋ قارقىنى كوروناۆيرۋس جۇقتىرعاندار سانىنىڭ ودان سايىن ارتۋىنا اكەلۋى مۇمكىن.

ۆاكسينا ۆيرۋس مۋتاتسياسىنىڭ الدىن الادى. بۇل تۋرالى الماتى قالاسى №8-ەمحانانىڭ باس دارىگەرى فاريدا اعىبايەۆا حابارلادى.

ەمحانانىڭ باس دارىگەرى ەكپە العاننان كەيىن COVID-19 يممۋنيتەتى قالاي داميتىنىن جانە ەكى كومپونەنتتى الۋدىڭ ماڭىزىن ايتتى. ونىڭ ايتۋىنشا، ۆاكسينانى العاننان كەيىن ادام اعزاسى ۆاكسينامەن تانىسادى جانە يممۋندىق جاسۋشالاردىڭ ەكى ءتۇرىنىڭ جۇمىسىن باستايدى: ۆ جانە ت- جاسۋشالارى. «ۆ- جاسۋشالارى انتيدەنەنى بەلسەندى تۇردە قالىپتاستىرادى، ءبىراق ۆاكسينانىڭ ەكىنشى دوزاسىنسىز بۇل يممۋنوگلوبۋليندەردىڭ مولشەرى بىرنەشە اپتادان كەيىن كۇرت تومەندەيدى. ت- ليمفوتسيتتەر- يممۋندىق جۇيەنىڭ نەگىزگى قارۋى. ءدال وسى ت- جاسۋشالار ءقاۋىپتى تاۋىپ، قوزدىرعىشتى جويادى. ت- جاسۋشالارىنىڭ نەگىزگى ماسەلەسى - ۆاكسيناتسيانىڭ ءبىرىنشى كەزەڭىنەن كەيىن يممۋندىق جۇيە ت- ليمفوتسيتتەردىڭ وتە از مولشەرىن جاسايدى، ال اعزا ۆيرۋستى قابىلداۋعا دايىن ەمەس كۇيىندە قالادى»، - دەپ ءتۇسىندىردى ف. اعىبايەۆا.

سوندىقتان يممۋندىق رەاكسيانىڭ قالعان بولىگىن ىسكە قوسۋ ءۇشىن ۆاكسينانىڭ ەكىنشى دوزاسىن الۋ قاجەت.

«قازىرگى كەزدە COVID-19 ۆاكسينالارىنا جۇرگىزىلگەن ۇلكەن مەديتسينالىق زەرتتەۋلەردىڭ ناتيجەلەرى كورسەتكەندەي، ەكىنشى دوزا قورعانىس دارەجەسىن بىرنەشە ەسە ارتتىرادى. يزرايل عالىمدارى كوروناۆيرۋس ۆاكسيناسىنىڭ ەكى دوزاسىن دا قابىلداعان پاتسيەنتتەردە قورعانىس 6-12 ەسە جوعارى دەگەن قورىتىندىعا كەلدى. وسىلايشا، ءبىز ۆاكسينانىڭ ەكىنشى كەزەڭى سەنىمدى قورعانىس ءۇشىن اسا ماڭىزدى ەكەنىن كورەمىز»، - دەدى ەمحانانىڭ باس دارىگەرى.

كوروناۆيرۋسقا قارسى ۆاكسينانى 21 كۇن ارالىقپەن ەكى كەزەڭدە الۋ كەرەك. ءبىرىنشى دوزا انتيدەنەنىڭ از مولشەرىن وندىرۋگە بايلانىستى تۇراقتى قورعانىس اسەرىن قامتاماسىز ەتپەيدى. ەكىنشى دوزا ءبىرىنشىسىنىڭ اسەرىن كۇشەيتەدى جانە بەكىتەدى، ادام اعزاسىنداعى انتيدەنە مولشەرى ارتادى. الماتىنىڭ №8-ەمحاناسى دا ءۇش ەكپە بولمەسى بار ءارى ءۇش موبيلدى توپ جۇمىس ىستەيدى. ەكپە سالۋدى ۆاكسينالاۋعا رۇقساتى بار 36 مەديتسينالىق قىزمەتكەردەن تۇراتىن التى بريگادا جۇرگىزەدى.

«ەمحانادا ەكپە egov.kz پورتالى مەن تىركەلۋ ارقىلى الدىن الا جازىلىپ، سونداي- اق كەزەك بويىنشا، ءۇزىلىسسىز جانە دەمالىس كۇندەرى ساعات 8.00-دەن 20.00-گە دەيىن جۇرگىزىلەدى»، - دەدى ف. اعىبايەۆا.

ەمحانانىڭ ەگۋ پۋنكتەرىنىڭ جالپى وتكىزۋ قابىلەتى - تاۋلىگىنە 300-400 ادام. بۇگىندە مۇندا 26 235 ادام ەكپە الدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات