+7 (701) 759 90 19
9 °С : نۇر-سۇلتان
22 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

ەكپەدەن كەيىن دەنە قىزۋى يممۋنيتەتكە قالاي اسەر ەتەدى؟ دارىگەر جاۋابى

5 تامىز 12:44
:ءبولىسۋ
ەكپەدەن كەيىن دەنە قىزۋى يممۋنيتەتكە قالاي اسەر ەتەدى؟ دارىگەر جاۋابى

نۇر-سۇلتان. قازاقپارات - كوروناۆيرۋسقا قارسى ۆاكسينا سالدىرعاننان كەيىن دەنە قىزۋىنىڭ كوتەرىلۋى نەمەسە بولماۋى يممۋندىق جاۋاپتىڭ تيىمدىلىگىن كورسەتەدى دەگەن پىكىر كەڭ تارالعان.

يممۋنولوگ بۇل شىنىمەن سولاي ما، الدە جوق پا ءتۇسىندىرىپ بەردى، - دەپ حابارلايدى راديو Sputnik.

كوروناۆيرۋسقا قارسى ەكپە العاننان كەيىن دەنە قىزۋىنىڭ كوتەرىلۋى ىقتيمال كورىنىستەردىڭ ءبىرى سانالادى. كەيبىر ادامدار بۇل يممۋنيتەت قالىپتاسىپ جاتقاندىقتان دەپ ويلايدى.

مەديتسينا عىلىمدارىنىڭ كانديداتى، يممۋنولوگ جانە «كلينيكا ەكسەلانس گرۋپ» باس ديرەكتورى نيكولاي كريۋچكوۆ بۇل ءىشىنارا شىندىققا جاناساتىنىن ايتتى.

«ۆاكسيناتسيادان كەيىن ءتۇرلى بەلگىلەر بولادى. بۇل ەكپە سالعان جەردىڭ اۋىرسىنۋى جانە تىعىزداۋ، سونداي-اق دەنە قىزۋىنىڭ كوتەرىلۋى، جالپى السىزدىك. ياعني، ج ر ۆ ي-دىڭ كلاسسيكالىق كورىنىستەرى بايقالۋى مۇمكىن. بۇل بەلگىلەر يممۋنيتەتتىڭ بەلسەندىلىگى جانە يممۋندىق جۇيەنىڭ سىرتقى ىنتالاندىرۋلارعا جاۋاپ بەرۋ قابىلەتىمەن بايلانىستى. بۇل يممۋندىق جاۋاپتىڭ قالىپتاسۋىنا تىكەلەي اسەر ەتپەيدى»، - دەدى نيكولاي كريۋچكوۆ باسىلىمعا بەرگەن سۇحباتىندا.

دارىگەردىڭ ايتۋىنشا، ۆاكسيناتسيادان كەيىن دەنە قىزۋىنىڭ جانە باسقا كورىنىستەردىڭ بولماۋى يممۋندىق جاۋاپتىڭ بولماۋىنان ەمەس.

«ەگەر ادامدا ۆاكسيناتسيادان كەيىن ەشقانداي بەلگى بايقالماسا، ياعني دەنە قىزۋى بولماسا جانە ت. ب. وندا ونىڭ يممۋنيتەتى جوق جانە قالىپتاسپايدى دەپ ايتۋعا بولمايدى. ەكىنشى جاعىنان، ەگەر ادام ۆاكسيناتسيادان كەيىن ءۇش كۇن بويى دەنە قىزۋى 39 گرادۋس بولىپ، اۋىرسا، وندا ونىڭ يممۋندىق رەاكسياسى جوعارى بولادى دەگەن ءسوز ەمەس»، - دەدى كريۋچكوۆ.

ونىڭ ايتۋىنشا، يممۋندىق جاۋاپ دەڭگەيىنە ءوزارا ارەكەتتەسەتىن كوپ فاكتور اسەر ەتەدى، ولاردىڭ كورىنىستەرى ءارتۇرلى بولادى. قالاي بولعاندا دا، ۆاكسيناتسيادان كەيىن يممۋنيتەت قالىپتاسادى.

يممۋنولوگ ۆاكسيناتسيادان كەيىنگى كورىنىستەر ونى سالدىرۋدان باس تارتۋعا سەبەپ بولماۋى كەرەك دەپ قوستى. ول كوروناۆيرۋس وتە قاۋىپتى ەكەنىن ەسكە سالدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات