ۆاكسينا سالدىرعان استانالىقتاردىڭ اعزاسىندا انتيدەنە قالىپتاستى ما - زەرتتەۋ
«وليمپ» كلينيكالىق- دياگنوستيكالىق زەرتحانالار جەلىسى SARS- CoV-2 كوروناۆيرۋسىنا كارسى ەكپە جاساتقان پاتسيەنتتەردە پوستۆاكسينالىق انتيدەنەنىڭ بار-جوعىن تەكسەرەتىن تالداۋ جاسايدى. 7-ماۋسىم مەن 4-تامىز ارالىعىندا نۇر-سۇلتان قالاسىندا اتالمىش زەرتحانادا پوستۆاكسينالىق انتيدەنەنى انىقتاۋ ءۇشىن 962 پاتسيەنت قان تاپسىرعان بولاتىن.
پاتسيەنتتەر 6 ءتۇرلى ەكپە العان. ناقتى ايتساق، 866 پاتسيەنت - «سپۋتنيك V» ۆاكسيناسىن، 58 ادام - Hayat-Vax، 14 ادام - وتاندىق QazVac، 12 پاتسيەنت - CoronaVac ەكپەسىن، 9 ادام - Pfizer ۆاكسيناسىن، 3 ادام - AstraZeneca سالدىرعان.
- زەرتتەۋ ناتيجەسى بويىنشا «سپۋتنيك V» سالدىرعانداردىڭ %97 ندا، Hayat-Vax
العانداردىڭ %90 ندا، QazVac ەكتىرگەندەردىڭ %79 ندا، CoronaVac العانداردىڭ %92 ندا، Pfizer جانە AstraZeneca سالدىرعانداردىڭ %100 ندا پوستۆاكسينالىق انتيدەنە بار ەكەنى انىقتالدى. ارينە، ازىرشە زەرتتەۋدەن وتكەن پاتسيەنتتەردىڭ سانى ونشا كوپ ەمەس، سوندىقتان دا تالداۋ تاپسىرعانداردىڭ قاتارى وسكەن سايىن كورسەتكىشتەر ايتارلىقتاي وزگەرۋى مۇمكىن، - دەپ اتاپ ءوتتى «ك د ل وليمپ» ج ش س باس ديرەكتورى ەرلان سۇلەيمەنوۆ.
پوستۆاكسينالىق انتيدەنەنىڭ بار-جوعىن تەكسەرۋگە ارنالعان تالداۋ «SARS- CoV-2 كوروناۆيرۋسىنىڭ S- اقۋىزىنا قارسى G يممۋنوگلوبۋليندەرىن انىقتايتىن يممۋنوفەرمەنتتىك تالداۋ» دەپ اتالادى.
ەكپە سالعاننان كەيىن اعزامىز كوروناۆيرۋستىڭ S- اقۋىزىنا قارسى انتيدەنە قالىپتاستىرىپ، يممۋندىق جاۋاپ بەرەدى. پاتسيەنت قانىنىڭ سارىسۋىندا كوروناۆيرۋستىڭ S- اقۋىزىنا قارسى انتيدەنەنىڭ انىقتالۋى ۆاكسينا ناتيجەسىندە يممۋندىق قورعانىشتىڭ قالىپتاسقانىن بىلدىرەدى. پوستۆاكسينالىق انتيدەنەنىڭ بار- جوعىن انىقتاۋعا باعىتتالعان تالداۋ ساپالىق سيپاتقا يە.
ول ەكپە ناتيجەسىندە كوروناۆيرۋسقا قارسى يممۋنيتەت قالىپتاستى ما، جوق پا دەگەن ساۋالعا جاۋاپ بەرەدى. بۇل تالداۋدى يممۋنيزاتسيادان كەيىن بەلگىلى ءبىر ۋاقىت وتكەننەن كەيىن عانا تاپسىرۋ قاجەت. ناقتى ايتساق، تالداۋ ۆاكسينانىڭ ەكىنشى دوزاسىن العان سوڭ 3 اپتا وتكەندە تاپسىرىلادى.