قازاقستاندىقتار جەدەل جاردەمنىڭ پاندەمياداعى جۇمىسىن باعالادى
2020 -جىلعى مەملەكەتتىك قىزمەت كورسەتۋ ساپاسىن باعالاۋدىڭ قوعامدىق مونيتورينگىنىڭ ناتيجەلەرىنە سايكەس، ازاماتتار جەدەل جاردەم جۇمىسىنا 82,5 پايىزعا قاناعاتتاندى. كورسەتىلگەن قىزمەتتىڭ ورتاشا باعاسى 5-تەن 4,69 بالل.
2020 -جىلى قازاقستاندا جەدەل مەديتسينالىق جاردەمنىڭ 330 ستانسياسى (بولىمشەسى) جۇمىس ىستەدى. 2019 -جىلى 318 ستانسيا جۇمىس جاساعان. ءبىر جىل ىشىندە جەدەل جاردەم ستانتسيالارى 7,5 ميلليون ادامعا قىزمەت كورسەتكەن. بۇل ءبىر جىل بۇرىنعىعا قاراعاندا 11,2 پايىزعا از.
ءاربىر 1000 ادامنىڭ 398 ى جەدەل جاردەم بولىمشەسىمەن قامتىلدى. 2019 -جىلى 1000 ادامنىڭ 451 ى جەدەل جاردەم قىزمەتىن پايدالانعان.
بارلىق وتىنىشتەردىڭ 97,7 پايىزىندا جەدەل مەديتسينالىق كومەك كورسەتۋ ءۇشىن «103» ءنومىرى بويىنشا قوڭىراۋ قابىلداندى، 2,3 پايىز جاعدايدا كورسەتىلەتىن قىزمەتتى الۋشىلارعا جۇگىنۋ ءۇشىن باسقا ءنومىر ۇسىنىلدى.
ق ر- دا جەدەل مەديتسينالىق كومەك كورسەتۋ ەرەجەلەرىنە سايكەس فەلدشەرلىك جانە مامانداندىرىلعان (دارىگەرلىك) بريگادالاردىڭ جەدەلدىك ساناتىنا بايلانىستى ديسپەتچەردەن شاقىرتۋ العان ساتتەن باستاپ پاتسيەنتتىڭ تۇرعان جەرىنە دەيىنگى كەلۋ ۋاقىتى 10-60 مينۋتتى قۇرايدى. كوپتەگەن جاعدايلاردا (85,4 پايىز) جەدەل جاردەمدى كۇتۋ مەرزىمدەرى بەلگىلەنگەن نورماتيۆتەرگە سايكەس كەلەدى.
10,4 پايىز جاعدايدا كۇتۋ ءبىر ساعاتتان استام ۋاقىتتى قۇرادى، رەسپوندەنتتىڭ تاعى 4,2 پايىزى جەدەل جاردەمنىڭ ناقتى كۇتۋ ۋاقىتىن ەسىنە تۇسىرە المادى.
سونداي-اق، جەدەل جاردەمدى 4 ساعات، ءتىپتى 5 كۇن كۇتۋگە تۋرا كەلگەن جەكەلەگەن جاعدايلار دا اتاپ ءوتىلدى.
بۇل رەتتە رەسپوندەنتتەردىڭ كوپشىلىگى (27,7 پايىز) جەدەل جاردەمنىڭ 10 مينۋت ىشىندە كەلگەنىن اتاپ ءوتتى. ساۋالناماعا قاتىسقانداردىڭ تاعى 25,8 پايىزى جەدەل جاردەمدى شامامەن 15 مينۋت، 23,9 پايىزى جارتى ساعات كۇتكەنىن، رەسپوندەنتتەردىڭ 8 پايىزى جەدەل جاردەمدى ءبىر ساعاتقا جۋىق كۇتكەندەرىن ايتتى.
رەسپوندەنتتەردىڭ 94,8 پايىزى جەدەل جاردەم بريگاداسى پاتسيەنتكە قاجەتتى كومەك كورسەتكەنىن اتاپ ءوتتى. 47,4 پايىز جاعدايدا كومەك ۇيدە كورسەتىلدى، 35,2 پايىز جاعدايدا پاتسيەنتتى اۋرۋحاناعا جاتقىزعان، 13,1 پايىز جاعدايدا پاتسيەنت اۋرۋحاناعا جاتۋدان باس تارتقان، تاعى 1,9 پايىز قىزمەت الۋشىلار جەدەل جاردەم بريگاداسى قاجەتتى كومەك كورسەتپەي كەتكەنىن اتاپ ءوتتى.
جالپى جەدەل جاردەم قىزمەتكەرلەرىنىڭ «سىپايىلىق جانە قاجەتتىلىكتەرگە نازار اۋدارۋ» ساناتى بويىنشا جۇمىسى ازاماتتاردى 88,3 پايىزعا قاناعاتتاندىردى، رەسپوندەنتتەردىڭ 83,6 پايىزى جەدەلدىكپەن، 83,1 پايىزى قۇزىرەتتىلىكپەن، ديسپەتچەردىڭ سىپايىلىعى مەن ۇقىپتىلىعىمەن 83,1 پايىزى، «103» پۋلتىنە قوڭىراۋ شالۋ جىلدامدىعىمەن- بارلىعى 74,2 پايىزى قاناعاتتاندىرىلدى.
وڭىرلەر بولىنىسىندە باعالاۋ ولشەمشارتتارىنىڭ جيىنتىعى بويىنشا ەڭ جوعارى بالداردى جامبىل جانە اقتوبە وبلىستارى، سونداي-اق، استانا الدى.
ەڭ تومەنگى ورتاشا باللدى شىعىس قازاقستان، ماڭعىستاۋ جانە باتىس قازاقستان وبلىستارى الدى.