+7 (701) 759 90 19
9 °С : نۇر-سۇلتان
22 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

اقمولا وبلىسىنىڭ اۋىلدارىندا توتەنشە جاعداي جاريالاندى - فوتو

5 تامىز 08:46
:ءبولىسۋ
اقمولا وبلىسىنىڭ اۋىلدارىندا توتەنشە جاعداي جاريالاندى - فوتو

كوكشەتاۋ. قازاقپارات - اقمولا وبلىسىنىڭ ستەپنوگورسك وڭىرىندە بولعان توتەنشە جاعداي سالدارىن جويۋ ءۇشىن قۇرىلعان ەنەرگەتيكتەردىڭ شۇعىل بريگادالارى جۇمىستارىن اياقتادى.

ەلەكتر جارىعى الەۋمەتتىك ماڭىزى بار نىساندارعا، يزوبيلنوە جانە بەستوبە كەنتتەرىندەگى ۇيلەرگە بەرىلە باستادى، دەپ حابارلايدى قازاقپارات ءتىلشىسى.

«كوكشەتاۋ ەنەرگو» ج ش س اقپاراتىنا سۇيەنسەك، قۇيىندى داۋىل سالدارىن جويۋمەن «كوكشەتاۋ ەنەرگونىڭ» ورتالىق قىزمەتى مەن بولىمشەلەرىنىڭ 7 بريگاداسى اينالىستى. بۇل – 120 دان استام ادام. سونداي-اق شۇعىل ارەكەت ەتۋ ءۇشىن 25 تەحنيكا مەن 18 ارنايى تەحنيكا جۇمىلدىرىلدى. «ەلەكترمەن قامتاماسىز ەتۋدى قالپىنا كەلتىرۋ ءۇشىن ترانسفورماتورلىق قوسالقى ستانتسيالار مەن دىڭگەكتەردەگى ەلەكتر جەلىلەرىندە ءبىر اپتا بويى ءۇزىلىسسىز جۇمىستار جۇرگىزىلدى.. . بارلىعى 45 دىڭگەك پەن 25 كم جۋىق سىم جوندەلدى»، - دەدى ج ش س- دان.


انىقتالعان مالىمەتتەرگە سايكەس، دىڭگەكتەردەگى ەلەكتر جەلىلەرىنىڭ جانە ترانسفورماتورلىق قوسالقى ستانتسيانىڭ زاقىمدانۋىنان الدىمەن، يزوبيلنوە اۋىلىندا 164 ابونەنت جارىقسىز قالدى. سونداي- اق ەنەرگەتيكتەردىڭ ايتۋىنشا، دىڭگەكتەردەگى ەلەكتر جەلىلەرىنىڭ قورعالاتىن اۋماقتارىندا اعاشتاردى كەسۋ جۇمىستارى جۇرگىزىلدى. سەبەبى دىڭگەكتەر استىنداعى اعاشتار ەلەكتر ەنەرگياسىنىڭ ۇزدىكسىز بەرىلۋىنە قاۋىپ توندىرەدى. ال ەلدى مەكەن اۋماعىندا بۇل قاۋىپ ەسەلەپ ارتادى. ونىمەن قوسا، ستەپنوگورسك قالاسى اكىمىنىڭ كەڭەسشىسى ۇلبولسىن مولداحمەتوۆا قازاقپارات تىلشىسىنە حابارلاعانداي، زارداپ شەككەن اۋىلداردا توتەنشە جاعداي رەجيمى جاريالانعان. ەسكە سالايىق، 25-شىلدە كۇنى ستەپنوگورسك قالاسىنىڭ يزوبيلنوە اۋىلىندا ساعات شاشامەن 18.15-تە داۋىلدى جەل سوعىپ، سالدارىنان ەلەكتر تاراتۋ جەلىلەرىنىڭ دىڭگەكتەرى زاقىمدالعانى حابارلاندى. سونداي-اق اعاشتار قۇلاپ، ۇيلەردىڭ شاتىرى كوككە ۇشقان. قۇيىندى داۋىل ەلەكتر تاراتاتىن 40 تان استام دىڭگەكتى قۇلاتقان، 10/0,4 ك ۆ ترانسفورماتورلىق قوسالقى ستانتسياعا ايتارلىقتاي زاقىم كەلگەن. كەيىن زارداپ شەككەن اۋىلداردا توتەنشە جاعداي رەجيمى جاريالانۋى مۇمكىن ەكەندىگى ايتىلدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات