كەي ادامداردا ۆيرۋسقا قارسى انتيدەنە نەلىكتەن قالىپتاسپايدى

None
None
نۇر- سۇلتان. قازاقپارات - كورونايرۋسپەن اۋىرسا دا اعزاسىندا انتيدەنە قالىپتاسپايتىن ادامدار بار. ولاردىڭ ناقتى ساناتى بەلگىلى مە؟

ورتالىق كوممۋنيكاتسيالار قىزمەتىندە مەديتسينا ماماندارىنا وسىنداي ساۋال قويىلدى، دەپ حابارلايدى قازاقپارات ءتىلشىسى.

پروفيلاكتيكالىق مەديتسينا اكادەمياسىنىڭ پرەزيدەنتى، امەريكا دەنساۋلىق ساقتاۋ قاۋىمداستىعىنىڭ مۇشەسى الماز شارمان عالىمدار بۇل ماسەلەنى زەرتتەپ جاتقانىن، ازىرگە ونداي ادامداردىڭ ساناتى تۋرالى ناقتى ستاتيستيكا جوق ەكەنىن ايتتى. ال جوعارى ساناتتى ينفەكتسيونيست، مەديتسينا عىلىمدارىنىڭ كانديداتى ساۋلە اتىعايەۆا يممۋندىق جۇيەسىندە اقاۋى بار ادامدار انتيدەنەلەر شىعارمايدى دەپ بولجاۋ قيسىندى ەكەنىن ايتادى.

«باستاپقى جانە قايتالاما يممۋن تاپشىلىعى بار ناۋقاستار يناكتيۆتەندىرىلگەن ۆيرۋسقا دا، ۆيرۋستىڭ ر ن ق- بولىكتەرىنەن جاسالعان ۆاكتسيناعا جاۋاپ قاتا المايدى. نەگىزىنەن، بۇل سوزىلمالى سىرقاتپەن ءجيى اۋىراتىن جانە سونىڭ سالدارىنان ءدارىنى كوپ ىشەتىن ادامداردا نەمەسە يممۋن تاپشىلىعىن تۋدىراتىن ەمدەۋ اسەرىنە تۇسكەن ادامداردا كەزدەسەدى. وسى ساناتتاعى ادامداردىڭ اعزاسى انتيدەنەلەر شىعارمايدى. سونداي- اق، ۆاكسينا العان ادامداردىڭ %5 ى اۋرۋدىڭ قوزدىرعىشىنا قارسى ەشقانداي انتيدەنە شىعارمايدى»، - دەپ ءتۇسىندىردى ساۋلە اتىعايەۆا.

سوڭعى جاڭالىقتار