+7 (701) 759 90 19
2 °С : نۇر-سۇلتان
13 °С : الماتى
USD 425.85 EUR 499.78
RUB 5.82 CNY 65.87
جاڭالىقتار

كۇن سايىن بەسقاباتتى ءۇيدىڭ حالقىنا تەڭ ادامدى جەرلەپ جاتىرمىز – ينفەكتسيونيست

4 تامىز 20:30
:ءبولىسۋ
كۇن سايىن بەسقاباتتى ءۇيدىڭ حالقىنا تەڭ ادامدى جەرلەپ جاتىرمىز – ينفەكتسيونيست

نۇر- سۇلتان. قازاقپارات - ورتالىق كوممۋنيكاتسيالار قىزمەتىندە وتكەن بريفينگىدە جوعارى ساناتتى ينفەكتسيونيست دارىگەر، مەديتسينا عىلىمدارىنىڭ كانديداتى كوروناۆيرۋس قۇرباندارى «جاسارىپ» بارا جاتقانىن ايتتى، دەپ حابارلايدى قازاقپارات ءتىلشىسى.

«سوڭعى ايدا، ستاتسيونارلىق كومەككە دەگەن قاجەتتىلىك ايتارلىقتاي وسكەن كەزدە، ەلوردادا كۇن سايىن 300 دەن استام ادام اۋرۋحاناعا جاتقىزىلدى. ولاردىڭ % 10-15 رەانيماتسياعا ءتۇستى. كۇن سايىن بىرنەشە ادامنان ايىرىلىپ وتىردىق. بۇگىنگى ستاتيستيكا دا وڭىپ تۇرعان جوق. ءبىر تاۋلىكتە قازاقستان بويىنشا كوروناۆيرۋس ينفەكتسياسى راستالعان 149 ادام قايتىس بولدى. ولاردىڭ ءبارى ۆاكتسينا الماعان. 149 ادام دەگەنىڭىز بەس قاباتتى، ءتورت پودەزدى ءۇيدىڭ تۇرعىن سانىمان شامالاس. ءبىر تاۋلىكتە تۇتاس ءبىر تۇرعىن ءۇيدىڭ ادامى قايتىس بولدى دەگەن ءسوز. بۇلاي كەتە بەرسە، ءالى ءبىر كۇندە ءبىر اۋىلدان، كەيىن ءبىر شاعىناۋداننىڭ حالقىنا تەڭ ادامنان ايىرىلامىز. ول بىرەۋدىڭ اتا- اناسى، بىرەۋدىڭ بالاسى بولۋى مۇمكىن»، - دەدى ينفەكتسيونيست مامان.

دارىگەر ىندەتپەن رەانيماتسياعا تۇسكەندەردىڭ اراسىندا ءتىپتى جاسقا تولماعان سابيلەردىڭ بار ەكەنىن ەسكە سالدى.

«ەلوردادا ءبىر جاسقا دەيىنگى، بالاباقشا جاسىنداعى بالالار رەانيماتسياعا، وكپەنى جاساندى جەلدەتۋ اپپاراتتارىنا ءتۇسىپ جاتىر. ءبىز 60 تان اسقان ناۋقاستاردىڭ كوز جۇماتىنىنا بوي ۇيرەتە باستاعان سياقتىمىز. قازىر 20-25 جاستاعى ناۋقاستار دا رەانيماتسيا توسەگىنەن تۇرماي قالىپ جاتىر. بۇل وتە قورقىنىشتى، اسىرەسە بالالار قاۋىپكە دۋشار»، - دەگەن مامان كەلەشەكتە ۆاكسينانىڭ كاپسۋلاداعى تۇرلەرى دە شىعۋى مۇمكىن ەكەنىن راستادى.

«ۆاكسينالار ەكپە تۇرىندە عانا ەمەس، كاپسۋلا تۇرىندە، باسقا دا فورمادا بولۋى مۇمكىن. ءبىراق ونىڭ قازاقستاندا پايدا بولۋىن كۇتىپ وتىرۋدىڭ قاجەتى جوق. جاڭا عانا ايتقانىمداي، كۇن سايىن ءبىر تۇرعىن ءۇيدىڭ ادامىن جەرلەگىمىز كەلمەسە، ۆاكسيناتسيا مۇمكىندىگىن بارىنشا پايدالانۋىمىز كەرەك»، - دەدى ساۋلە اتىعايەۆا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات