قانداي جاعدايدا قالالار مەن وڭىرلەر «قويۋ قىزىل» ايماققا اۋىسادى

None
None
نۇر- سۇلتان. قازاقپارات - ەلوردانىڭ باس سانيتارلىق دارىگەرى سارحات بەيسەنوۆا قالا نەمەسە ءوڭىردىڭ قانداي جاعدايدا «قويۋ قىزىل» ايماققا وتەتىنىن ءتۇسىندىردى، دەپ حابارلايدى قازاقپارات ءتىلشىسى.

«ق ر اۋماعىندا كوروناۆيرۋس ينفەكتسياسىنىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا وتىرىسىنىڭ 2021 -جىلعى 29-شىلدەدەگى حاتتاماسى نەگىزىندە ق ر باس مەملەكەتتىك سانيتاريالىق دارىگەرىنىڭ قاۋلىسى شىعارىلدى. وندا شەكتەۋلەردى قابىلداۋ كريتەريلەرى انىقتالدى جانە «قويۋ قىزىل» ايماق انىقتاماسى پايدا بولدى»، - دەدى س. بەيسەنوۆا ەلوردا اكىمدىگىندە وتكەن بريفينگىدە.

سپيكەر كوروناۆيرۋسقا قاتىستى اتالعان جاڭا مارتەبەنى انىقتاۋ مەحانيزمى تۋرالى ايتىپ بەردى. «قويۋ قىزىل» ايماق» - 18-شىلدە مەن 2-تامىز ارالىعىندا قازاقستاننىڭ 5 قالاسى، ونىڭ ىشىندە نۇر- سۇلتان قالاسى كىرگەن قاۋىپتى ايماق (ينفەكسيالىق توسەك- ورىننىڭ تولۋى 70 پايىزدان اسقاندا جانە 100 مىڭ تۇرعىنعا شاققاندا 200 توسەك- ورىن تولعان جاعدايدا). وسىعان بايلانىستى، «نۇر- سۇلتان قالاسىندا شەكتەۋ جانە كارانتين شارالارىن قاتاڭداتۋ تۋرالى» قاۋلى قابىلدانىپ، الەۋمەتتىك- ەكونوميكالىق نىسانداردىڭ جۇمىس رەجيمىنە ءتيىستى وزگەرىستەر ەنگىزىلدى»، - دەپ تۇيىندەدى س. بەيسەنوۆا.

سوڭعى جاڭالىقتار