كوروناۆيرۋس: قازاقستان عالىمدارى قايتا ۆاكسينالاۋ ماسەلەسىن تالقىلاۋدا

None
None
نۇر- سۇلتان. قازاقپارات - جوعارى ساناتتى ينفەكتسيونيست دارىگەر، مەديتسينا عىلىمدارىنىڭ كانديداتى ساۋلە اتىعايەۆا ريەۆاكسيناتسيا جۇرگىزۋ ءۇشىن قانداي العىشارتتار بولۋ كەرەكتىگىن ايتتى، دەپ حابارلايدى قازاقپارات ءتىلشىسى.

«ول ءۇشىن حالىقتىڭ يممۋندىق دەڭگەيى، ينفەكتسيادان كەيىنگى جانە ۆاكتسيناتسيادان كەيىنگى يممۋنيتەتتەگى قايشىلىقتار زەرتتەلەدى. اۋىرعان ادامدار مەن ۆاكسينا العان ادامداردا انتيدەنەلەردىڭ دەڭگەيى قانشالىقتى جوعارى ءارى ۇزاق ساقتالاتىنى قاداعالانادى. يممۋنولوگ، ۆيرۋسولوگ، ينفەكتسيونيست ماماندار وسىنىڭ ءبارىن تالدايدى. سول تالقىلاۋلاردىڭ قورىتىندىسى بويىنشا دەنساۋلىق ساقتاۋ مينيسترلىگىنە حالىقتى قايتا ۆاكسينالاۋ قاجەتتىلىگى نەمەسە قاجەت ەمەستىگى تۋرالى ۇسىنىمدار بەرەدى»، - دەدى ينفەكسيونيست.

ماماننىڭ ايتۋىنشا، قازىر بۇل ماسەلە وتاندىق عالىمدار اراسىندا تالقىلانىپ جاتىر.

«قانداي دا ءبىر قورىتىندى بەرمەس بۇرىن، ماسەلەنى زەرتتەۋ كەرەك. ريەۆاكسيناتسيا ماسەلەسى ينفەكسيامەن اۋىرعان نەمەسە ۆاكسينالانعان ادام اعزاسىنداعى انتيدەنەلەردىڭ قانشالىقتى ۇزاق ساقتالاتىنىن بىلگەننەن كەيىن شەشىلەدى. ناقتى قورىتىندى العان كەزدە عانا ريەۆاكسيناتسيا تۋرالى سۇراققا جاۋاپ بولادى»، - دەدى ساۋلە اتىعايەۆا.


سوڭعى جاڭالىقتار