+7 (701) 759 90 19
2 °С : نۇر-سۇلتان
13 °С : الماتى
USD 425.85 EUR 499.78
RUB 5.82 CNY 65.87
جاڭالىقتار

بەلارۋس وليمپيادالىق قۇراماسىنىڭ تاعى ءبىر سپورتشىسى وتانىنا ورالۋدان باس تارتتى

4 تامىز 17:30
:ءبولىسۋ
بەلارۋس وليمپيادالىق قۇراماسىنىڭ تاعى ءبىر سپورتشىسى وتانىنا ورالۋدان باس تارتتى

نۇر- سۇلتان. قازاقپارات – بەلارۋس وليمپيادالىق قۇراماسىنىڭ تاعى ءبىر جەڭىل اتلەت سپورتشىسى يانا ماكسيموۆا وتانىنا ورالۋدان باس تارتتى، دەپ حابارلايدى «حابار 24».

ول بۇل شەشىمىن الەۋمەتتىك جەلىدەگى پاراقشاسىندا جاريالادى. قازىر سپورتشى كۇيەۋىمەن بىرگە گەرمانيادا. ول بەلارۋسقا بارسا بوستاندىعىنان عانا ەمەس، ومىرىنەن دە ايىرىلاتىنىن جازعان. اتلەت ەندى نەمىس ەلىندە ءجۇرىپ تۋعان وتانىنداعى قىسىم كورگەن جاقىندارىنىڭ بوستاندىعى ءۇشىن كۇرەسەتىنىن جەتكىزدى.

32 جاستاعى يانا ماكسيموۆا – كوپ سايىس بويىنشا ەۋروپا چەمپيوناتىنىڭ كۇمىس جۇلدەگەرى. ونىڭ كۇيەۋى اندرەي كراۆچەنكو 2008 -جىلعى وليمپيادا ويىندارىندا ون سايىس بويىنشا ەكىنشى ورىن العان.


ال وسىعان دەيىن داۋدىڭ استىندا قالعان بەلارۋستىڭ جەڭىل اتلەتشى قىزى كريستينا تيمانوۆسكايا توكيوداعى پولشا ەلشىلىگىنەن كەتتى. ونى جاپونيا پوليتسياسى الىپ ءجۇردى. قازىر ول ناريتا اۋەجايىندا. سپورتشى بۇل جەردەن ۆارشاۆاعا ەمەس، اۆسترياعا ۇشاتىن بولدى. باستاپقى شەشىمنىڭ نەگە بۇلاي وزگەرگەنى تۋرالى ازىرگە اقپارات جوق. وعان پولشا بيلىگى گۋمانيتارلىق ۆيزا بەرگەن بولاتىن.

تيمانوۆسكايا ديپلوماتيالىق وكىلدىكتە 2 - تامىزدان بەرى بولدى.

ەستەرىڭىزگە سالا كەتەيىك، ول بەلارۋس قۇراماسىنىڭ باسشىلىعىن سىنعا العان ەدى. سەبەبى باپكەرلەر سپورتشىنى دايىندالعان 200 مەترگە ەمەس، 400 مەتر قاشىقتىققا جۇگىرۋ جارىسىنا ونىڭ كەلىسىمىنسىز اۋىستىرعان. بەلارۋس ۇلتتىق وليمپيادا كوميتەتى اتلەتتى ەموتسيالىق- پسيحولوگيالىق جاعدايىنا بايلانىستى ەلگە كۇشتەپ قايتارماق بولعان. ءبىراق تيمانوۆسكايا مينسكىگە ورالۋدان باس تارتىپ، جاپونيا پوليتسياسى مەن حالىقارالىق وليمپيادا كوميتەتىنەن اراشا سۇرادى.

كريستينا تيمانوۆسكايا، بەلارۋس اتلەتى:

- گەرمانيا ەۋروپاعا امان- ەسەن ۇشىپ جەتۋىمدى قامتاماسىز ەتسە ەكەن دەيمىن. ەۋروپادا بەلارۋس سپورت ىنتىماقتاستىعى قورىنىڭ وكىلدەرىمەن كەزدەسىپ، بولاشاق جوسپارىمىزدى تالقىلايمىز. مەن ەشقاشان ساياساتقا ارالاسقان ەمەسپىن. نەگىزى بۇل وقيعانىڭ ساياساتقا ەش قاتىسى جوق بولاتىن. مەن بار بولعانى ءبىزدىڭ باس باپكەرلەردىڭ جونسىزدىگىن ايتتىم. بۇنىڭ وسىنداي ۇلكەن ساياسي جانجالعا ۇلاساتىنىن مۇلدە بىلمەدىم. سپورتپەن ءارى قاراي دا كاسىبي تۇرعىدا اينالىسقىم كەلەدى. جاسىم 24-تە، ءالى 2 وليمپياداعا قاتىسۋعا مۇمكىندىگىم بار. جوسپارىم ىسكە اسادى دەپ سەنەمىن. اتلەت رەتىندە مۇلدە كوڭىل- كۇيىم جوق. 200 مەتر قاشىقتىققا قاتىسا الماي قالدىم. ۇزاق دايىندالعان ەدىم.

www.24.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات