+7 (701) 759 90 19
4 °С : نۇر-سۇلتان
11 °С : الماتى
USD 425.73 EUR 498.32
RUB 5.8 CNY 65.85
جاڭالىقتار

قىرعىزستاننىڭ بۇرىنعى پرەزيدەنتى تەرگەۋ سۇراقتارىنا جاۋاپ بەرۋگە دايىن

4 تامىز 16:05
:ءبولىسۋ
قىرعىزستاننىڭ بۇرىنعى پرەزيدەنتى تەرگەۋ سۇراقتارىنا جاۋاپ بەرۋگە دايىن

نۇر- سۇلتان. قازاقپارات - اسقار اقايەۆ كۇمتور التىن كەن ورنىنا قاتىستى ءوتىپ جاتقان تەرگەۋگە قاتىستى بارلىق سۇراقتارعا جاۋاپ بەرۋگە دايىن.

قىرعىزستاننىڭ بۇرىنعى پرەزيدەنتى بىشكەككە ۇشىپ كەلگەن ەدى. بىردەن مەملەكەتتىك ۇلتتىق قاۋىپسىزدىك كوميتەتىنە جەتكىزىلدى. اسقار اقايەۆتىڭ مالىمدەۋىنشە، ول ەلگە ءوز ەركىمەن كەلگەن. قۇقىق قورعاۋ ورگاندارى ورتالىق ازياداعى ەڭ ءىرى التىن كەن ورنى تولىعىمەن دەرلىك كانادالىق ءوندىرۋشىنىڭ مەنشىگىنە قالاي ءوتىپ كەتكەنىن تەرگەپ جاتىر. بۇعان قانداي جوعارى لاۋازىمدى تۇلعالاردىڭ قاتىسى بولعانىن جانە بۇل ءۇشىن سىيلىق العان با، جوق پا، سونى انىقتاماق.

باستاپقىدا ۇلتتىق قاۋىپسىزدىك كوميتەتى اسقار اقايەۆ ارنايى قىزمەتتەردىڭ ارەكەتىمەن بىشكەككە جەتكىزىلدى دەپ جاريالاعان. ال بۇرىنعى پرەزيدەنت ءوز ەركىمەن كەلگەنىن ايتادى.

اسقار اقايەۆ، قىرعىزستاننىڭ بۇرىنعى پرەزيدەنتى:

- تەرگەۋگە كومەكتەسىپ، سۇراقتارىنا جاۋاپ بەرگىم كەلەدى. كۇمتوردى قالاي سالعانىمىز تۋرالى بار شىندىقتى ايتۋعا كەلدىم. قانداي ماقساتپەن ونى سالعانىمىزدى، قانداي قاتەلەر جىبەرگەنىمىزدى.

بۇل ءىس بويىنشا ءبىرقاتار جوعارى لاۋازىمدى تۇلعا قاماۋعا الىنعان. اراسىندا بۇرىنعى ەكى پرەمەر- مينيستر، پارلامەنتتىڭ بۇرىنعى سپيكەرى جانە جوگوكۋ كەنەشتىڭ ءتورت دەپۋتاتى بار. ولاردىڭ بارلىعىنا سىبايلاس جەمقورلىق بابى بويىنشا ايىپ تاعىلعان. تەرگەۋشىلەردىڭ پىكىرىنشە، شەتەلدىك ينۆەستور قىرعىزستانعا زور كولەمدە اقشالاي شىعىن مەن ەكولوگيالىق زيان كەلتىرگەن. ۇزاق ۋاقىتقا جالعاسقان بۇل جوبانىڭ كۇماندى تۇستارىنا ۇكىمەت مۇشەلەرى مەن جوگاركۋ كەنەش دەپۋتاتتارىنىڭ قاتىسى بولۋى مۇمكىن دەگەن كۇدىك بار.

توكتوگۋل كاكچەكەيەۆ، ساياساتتانۋشى:

- العاشقى كەلىسىمىندە 85 الدە 87 پروتسەنتى قىرعىز رەسپۋبليكاسىنىڭ مەنشىگىندە بولعان. 15 جىلدان كەيىن كۋمتور تولىعىمەن مەملەكەتىمىزدىڭ يەلىگىنە وتۋگە ءتيىس بولعان. ءبىراق ولاي بولعان جوق. كەرىسىنشە، قىرعىزستان ءوز ديۆيدەندتەرى مەن اكتيۆتەرىنەن ايىرىلىپ، ۇلەسى 15 پروتسەنتكە دەيىن تومەندەدى.

اسقار اقايەۆ ەلگە ورالعاننان كەيىن، ءبىراز ادام اشكەرەلەنىپ، اباقتىعا تۇسەتىن ءتۇرى بار. بۇگىننىڭ وزىندە مەملەكەتتىك ۇلتتىق قاۋىپسىزدىك كوميتەتى بۇرىنعى پرەمەر- مينيستر تەمىر سارييەۆتى قاماۋعا الدى. تەرگەۋ بارىسىندا ول ەكونوميكا ءمينيسترى قىزمەتىن اتقارعان كەزدە ءتيىستى مەملەكەتتىك كوميسسيانىڭ ءتوراعاسى رەتىندە كۋمتور كەن ورنى كەلتىرگەن ەكولوگيالىق زياننىڭ مولشەرىن بىرنەشە ميلليارد سومعا ازايتقانى انىقتالدى.

اۆتورى: باقىت چەرماشيەۆ

www.24.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات