+7 (701) 759 90 19
8 °С : نۇر-سۇلتان
19 °С : الماتى
USD 425.85 EUR 499.78
RUB 5.82 CNY 65.87
جاڭالىقتار

دەلتا شتامى ناۋقاستىڭ دەنە مۇشەلەرىن بىردەن زاقىمدايدى – دارىگەر

4 تامىز 13:51
:ءبولىسۋ
دەلتا شتامى ناۋقاستىڭ دەنە مۇشەلەرىن بىردەن زاقىمدايدى – دارىگەر

الماتى. قازاقپارات - الماتىداعى فتيزيوپۋلمونولوگيا ورتالىعىنىڭ ديرەكتورى جانار ساپييەۆا وڭىرلىك كوممۋنيكاتسيالار قىزمەتىنىڭ بريفينگتە ورتالىقتاعى كوۆيدتىك ستاتسيوناردىڭ جۇمىسى جانە دەلتا شتامىنىڭ جاڭا كلينيكالىق كورىنىستەرى تۋرالى ايتتى، دەپ حابارلايدى قازاقپارات.

ج. ساپيەۆانىڭ ايتۋىنشا، فتيزيوپۋلمونولوگيالىق ورتالىقتى قالا اكىمدىگى بەلگىلەگەن جانە 2020 -جىلى كوروناۆيرۋس ينفەكسياسىمەن سىرقاتتانعان پاتسيەنتتەرگە ستاتسيونارلىق كومەك كورسەتۋگە دايىندالعان. ورتالىقتا بارلىق قاجەتتى مەديتسينالىق جابدىقتار بار، ستاتسيونارلىق كومەك كورسەتۋ ءۇشىن 280 توسەك- ورىن بار. ورتالىق سونىمەن قاتار «حالىق ارەنا» سپورت كەشەنىنىڭ «ءۇشىنشى ەشەلونى» رەتىندە جۇمىس ىستەيدى. ول قايتا بەيىمدەلىپ، دەرتتىڭ شىرقاۋ شەگى مەن ەپيدەميولوگيالىق احۋال ورشىگەن كەزدە رەزەرۆتىك اۋرۋحانا رەتىندە پايدالانىلادى.

«فتيزيوپۋلمونولوگيا ورتالىعى قازىرگى كەزدە ءۇش نىساندا جۇمىس جاساۋدا جانە بىزگە «ءبىرىنشى ەشەلون» رەتىندە كۇن سايىن كوپتەگەن پاتسيەنتتەر تۇسۋدە. سوڭعى 2 اپتا ىشىندە پاتسيەنتتەر كوپ ءتۇستى جانە ولاردىڭ جاعدايى اۋىر بولدى»، - دەدى ورتالىق ديرەكتورى.

دارىگەر دەلتا شتامىنىڭ تارالۋى بارىسىندا دەرتتىڭ كلينيكالىق كورىنىسىنىڭ وزگەرگەنىن باسا ايتتى. بىرىنشىدەن، اۋرۋحاناعا تۇسەتىن پاتسيەنتتەر سانى كۇرت ءوستى. بۇل شتامم دەنەدە تەز كوبەيەدى، تەز تارالادى جانە ينكۋباتسيالىق كەزەڭى قىسقا بولادى. قازىر 7-8 كۇن. ەكىنشىدەن، تۇسكەن پاتسيەنتتەردىڭ وكپەسى قاتتى زاقىمدانعان.

«ەگەر ءبىز بۇرىن وكپەسى 20-30 پايىز زاقىمدانعان ورتاشا اۋىرلىقتاعى ناۋقاستاردى قابىلداساق، قازىر ادامدار 30 پايىزدان استام زاقىمدانۋمەن تۇسۋدە»، - دەدى ج. ساپييەۆا.

دارىگەردىڭ ايتۋىنشا، العاشقى كۇندەرى بۇل اۋرۋ سۋىق تيۋگە ۇقسايدى جانە كوپتەگەن ادامدار بۇل بەلگىلەردى ەلەمەيدى. ولار - دەنە قىزۋىنىڭ تومەندەۋى، قالتىراۋ، شامالى جوتەل، السىزدىك جانە باس اۋرۋلارى. سودان كەيىن 2-3 كۇننەن كەيىن كلينيكا شاپشاڭدايدى. سوندىقتان جانار ساپيەۆا پاتسيەنتتەرگە ولاردىڭ جاعدايىن مۇقيات باقىلاۋعا جانە ەگەر تەمپەراتۋرا كوتەرىلسە، ەمحاناعا بارۋعا، مۇمكىن، كوكىرىك قۋىسىن تەكسەرۋدەن وتكىزۋگە كەڭەس بەرەدى. «وكپەنىڭ % 30 زاقىمدانۋىمەن كەلەتىن پاتسيەنتتەردە بىرنەشە كۇن ىشىندە وكپەنىڭ % 60 زاقىمدالادى. سونىمەن قاتار، اۋرۋدىڭ كلينيكالىق كورىنىسىنە قۇسۋ، جۇرەك اينۋى، ديارەيا، بۋىن اۋرۋى، بۇلشىقەت اۋرۋى جانە جوعارى قىزبا سياقتى كورىنىستەر قوسىلدى. ءبىزدىڭ پاتسيەنتتەردىڭ شامامەن 70 پايىزىنىڭ تەمپەراتۋراسى جوعارى. ولاردىڭ ارقايسىسىمەن جەكە جۇمىس ىستەۋىمىز كەرەك»، - دەدى دارىگەر.

سونىمەن قاتار، جانار ساپيەۆانىڭ ايتۋىنشا، دەلتا شتامىنىڭ تاعى ءبىر وتە قاۋىپتى كورىنىسى - قانداعى ترومبوتسيتتەر سانىنىڭ ارتۋى. بۇل ترومبوزدان ءولۋ ىقتيمالدىعىن ارتتىرادى. «نيەۆرولوگيالىق سيمپتومدار دا قوسىلادى - باس اۋرۋى، دەپرەسسيا، كەيبىر ەگدە جاستاعى ناۋقاستاردا ميداعى قان اينالىمى بۇزىلادى»، - دەدى دارىگەر.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات