پرەزيدەنت وڭىرلىك دەڭگەيدەگى سۋديالار اراسىندا اۋىس-ءتۇيىس جاسادى

نۇر-سۇلتان. قازاقپارات - پرەزيدەنت قاسىم-جومارت توقايەۆ «قازاقستان رەسپۋبليكاسى سوتتارىنىڭ ءتوراعالارىن، سوت القالارىنىڭ ءتوراعالارى مەن سۋديالارىن قىزمەتكە تاعايىنداۋ جانە قىزمەتتەن بوساتۋ تۋرالى» جارلىققا قول قويدى، دەپ حابارلايدى قازاقپارات ءتىلشىسى.

جارلىق بويىنشا پەتروپاۆل قالالىق سوتىنىڭ سۋدياسى بولعان ەربار قالەل ۇلى قاليەۆ سولتۇستىك قازاقستان وبلىستىق سوتىنىڭ قىلمىستىق ىستەر جونىندەگى سوت القاسىنا ءتوراعا بولىپ تاعايىندالدى. سونداي-اق، نۇرلان زۇلپىحار ۇلى بيبولوۆ شىمكەنت قالاسى سوتىنىڭ سۋدياسى قىزمەتىنەن بوساتىلىپ، تۇركىستان وبلىستىق سوتىنىڭ ازاماتتىق ىستەر جونىندەگى سوت القاسىنا ءتوراعا بولىپ بەكىتىلدى. پرەزيدەنت جارلىعىنداعى كادرلىق اۋىس-ءتۇيىس بارلىق وبلىستاردىڭ سوت القاسىن قامتىدى دەۋگە بولادى. قۇجاتتى تولىق ءماتىنن مىنا جەردەن كورۋگە بولادى.