بەردىبەك ساپاربايەۆتىڭ ورىنباسارى قايتىس بولدى
مالىمەتتى ءوڭىر اكىمدىگىنىڭ وكىلدەرى راستادى.
باسپا ءسوز قىزمەتى وكىلدەرى ونىڭ كوروناۆيرۋستان قايتىس بولعانىن مالىمدەدى. ول 58 جاستا ەدى. بۇل قىزمەتكە شەنەۋنىك 2020 -جىلدىڭ مامىرىندا كەلگەن بولاتىن.
ۇلان جازىلبەك - 1962 -جىلى تۋعان، ءبىلىمى جوعارى. 1984 -جىلى الماتى ساۋلەت-قۇرىلىس ينستيتۋتىن «ينجەنەر- قۇرىلىسشى» ماماندىعى بويىنشا جانە 2009 -جىلى د. ا. قونايەۆ اتىنداعى ۋنيۆەرسيتەتىن «زاڭگەر» ماماندىعى بويىنشا ءتامامداعان.
ول ەڭبەك جولىن 1984 -جىلى الماتى ءۇي قۇرىلىسى كومبيناتىندا شەبەر، پروراب، اعا پروراب بولىپ باستاعان. 1992-2005 -جىلدارى جەكە سەكتوردا جانە كوممەرتسيالىق ۇيىمداردا باسشىلىق لاۋازىمداردا، 2005-2008 -جىلدارى الماتى قالاسى مەملەكەتتىك ساۋلەت - قۇرىلىس باقىلاۋ دەپارتامەنتىنىڭ باس مامانى، ساۋلەت- قۇرىلىس باقىلاۋ ءبولىمىنىڭ باستىعى، 2009-2011 -جىلدارى «قورعاس» شەكارا ماڭى ىنتىماقتاستىعى حالىقارالىق ورتالىعى« ا ق دەپارتامەنتىنىڭ ديرەكتورى، «قورعاس - سەرۆيس« ج ش س قۇرىلىس ءبولىمىنىڭ باستىعى قىزمەتتەرىن اتقارعان.
سونداي-اق، 2011-2013 -جىلدارى الماتى قالاسى بويىنشا مەملەكەتتىك ساۋلەت-قۇرىلىس باقىلاۋ جانە ليتسەنزيالاۋ دەپارتامەنتى باسشىسىنىڭ ورىنباسارى، 2013-2014 -جىلدارى ق ر وڭىرلىك دامۋ مينيسترلىگى قۇرىلىس جانە تۇرعىن ءۇي - كوممۋنالدىق شارۋاشىلىق كوميتەتى ءتوراعاسىنىڭ ورىنباسارى، 2014 - 2017 -جىلدارى ق ر ۇلتتىق ەكونوميكا مينيسترلىگى ەكونوميكا ينفراقۇرىلىمىن دامىتۋ دەپارتامەنتىنىڭ ديرەكتورى، ق ر ينۆەستيتسيالار جانە دامۋ مينيسترلىگى قۇرىلىس جانە تۇرعىن ءۇي- كوممۋنالدىق شارۋاشىلىق سالاسىن دامىتۋ دەپارتامەنتىنىڭ ديرەكتورى لاۋازىمدارىندا بولعان. ⠀
2017 -جىلدىڭ قاراشا ايىنان باستاپ 2020 -جىلدىڭ مامىرىنا دەيىن پاۆلودار وبلىسى اكىمىنىڭ ءبىرىنشى ورىنباسارى قىزمەتىن اتقارعان.