+7 (701) 759 90 19
4 °С : نۇر-سۇلتان
11 °С : الماتى
USD 425.73 EUR 498.32
RUB 5.8 CNY 65.85
جاڭالىقتار

ۋحاننىڭ بارلىق تۇرعىنى كوروناۆيرۋسقا سىناما تاپسىرادى

4 تامىز 09:18
:ءبولىسۋ
ۋحاننىڭ بارلىق تۇرعىنى كوروناۆيرۋسقا سىناما تاپسىرادى

نۇر-سۇلتان. قازاقپارات - قىتايداعى ۋحان قالاسىنىڭ بارلىق تۇرعىنى پ ت ر-سىناما تاپسىرادى. بۇل شەشىمدى بيلىك وكىلدەرى قالادا كوروناۆيرۋس ينفەكسياسىنىڭ بىرنەشە جاعدايى انىقتالعاننان كەيىن قابىلداعان، - دەپ حابارلايدى Reuters.

ءبىر كۇن بۇرىن ۋحاندا COVID-19 ينفەكسياسىنىڭ جەتى جاعدايى 2020 -جىلدان بەرى العاش رەت انىقتالدى. 12 ميلليون حالقى بار قالادا 2019 -جىلى العاش رەت كوروناۆيرۋس جۇقتىرۋ دەرەگى انىقتالعان.

«قالا تۇرعىندارىنىڭ قاۋىپسىزدىگى ءۇشىن بارلىق ادامنان COVID-19 بويىنشا جالپى قالالىق سىناما الۋ باستالادى. ءبىز ونى تەزىرەك اياقتاۋدى جوسپارلاپ وتىرمىز جانە مۇمكىندىگىنشە تەزىرەك ارەكەت ەتەمىز، - دەدى حۋبەي پروۆينتسياسىنىڭ ورتالىق قىزمەتكەرى لي سيان.

قازىرگى ۋاقىتتا قىتايدا ەڭ اۋقىمدى ىندەت بايقالادى: 10 كۇندە 300 جاعداي انىقتالعان. بۇكىل ەل بويىنشا شامامەن 15 پروۆينسيا زارداپ شەكتى، بۇل ۇكىمەتتى جاپپاي سىناما الۋ شارالارىن قابىلداۋعا جانە شەكتەۋلەر ەنگىزۋگە ءماجبۇر ەتكەن.

بيلىك ۆيرۋستىڭ تارالۋى تىركەلگەن قالا ايماعىنا لوكداۋن ەنگىزدى. كەيبىر مەترو ستانتسيالارى جابىلىپ، جولاۋشىلار قايتادان بەتپەردە تاعۋدى باستاعان.

جەرگىلىكتى مەديتسينا قىزمەتكەرلەرى ۆيرۋستىڭ تارالۋىن ءۇندىستاننىڭ وتە جۇقپالى «دەلتا« شتامىمەن جانە ىشكى تۋريزم ماۋسىمىمەن بايلانىستىرادى.

اگەنتتىك قىتاي ءوز شەكارالارىندا ۆيرۋستى ايتارلىقتاي ءساتتى باسقارا العانىن اتاپ ءوتتى. الايدا نانكيندەگى اۋەجاي قىزمەتكەرلەرى اراسىندا ۆيرۋستىڭ تارالۋى الاڭداۋشىلىق تۋدىرىپ وتىر. بيلىك نانكيننىڭ 9,2 ميلليون تۇرعىنىن ءۇش رەت تەكسەرىپ، جۇزدەگەن مىڭ ادامعا وقشاۋلاۋ رەجيمىن ەنگىزدى.

بۇعان دەيىن قىتايلىق ب ا ق بۇل ۋحانداعى پاندەميا باستالعاننان كەيىنگى COVID-19-دىڭ ەڭ اۋقىمدى ءورشۋى ەكەنىن جازعان بولاتىن.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات