جۇمىس بەرۋشىلەر ۆاكسينالانباعان قىزمەتكەرلەرى ءۇشىن قانشا ايىپپۇل تولەيدى
باس سانيتار دارىگەردىڭ 14-شىلدەدەگى قاۋلىسى بويىنشا جۇمىسى حالىقتىڭ شوعىرلانۋىمەن بايلانىستى قىزمەت كورسەتۋ نىساندارىنا قىزمەتكەرلەرىن 10-تامىزعا دەيىن COVID-19 عا قارسى ۆاكتسينانىڭ ءبىرىنشى كومپونەنتىمەن، 1-قىركۇيەككە دەيىن ۆاكسينانىڭ ەكىنشى كومپونەنتىمەن قامتاماسىز ەتۋ جۇكتەلگەن بولاتىن. وسى تالاپتى ورىنداماعان جۇمىس بەرۋشىلەر اكىمشىلىك قۇقىق بۇزۋ تۋرالى كودەكستىڭ 362-بابىنىڭ 3-بولىگى جانە 425-بابى بويىنشا جاۋاپقا تارتىلۋى مۇمكىن. ياعني مەديتسينالىق قارسى كورسەتىلىمى بولماسا دا ۆاكسينا الماعان نەمەسە 7 كۇن سايىن پ ت ر- تەستىلەۋ ارقىلى ءوزىنىڭ ۆيرۋستان امان ەكەنىن دالەلدەپ وتىرماعان ادامداردى شتاتتىق رەجيمدە جۇمىسقا جىبەرسە، 14585 - 1458500 تەڭگە ارالىعىندا (5 تەن 500 ا ە ك- كە دەيىن) ايىپپۇل ارقالايدى. ايىپپۇلدىڭ مولشەرى جۇمىس بەرۋشىنىڭ مارتەبەسىنە بايلانىستى ۇلعايىپ وتىرادى. بۇل اتالعان كودەكستىڭ 462-بابىنىڭ 3-بولىگىندە كورسەتىلگەن.
اتالعان نورمادا مەملەكەتتىك باقىلاۋ جانە قاداعالاۋ ورگاندارىنىڭ، لاۋازىمدى تۇلعانىڭ ءوز قۇزىرەتى شەگىندە قويعان زاڭدى تالاپتارىن ساقتاماعان جۇمىس بەرۋشىنىڭ، كاسىپورىننىڭ تۇتاس نەمەسە جەكە قىزمەتىنە بەرىلگەن رۇقساتتىڭ كۇشى ۋاقىتشا توقتالۋى مۇمكىن ەكەنى ايتىلعان.
ال ايىپپۇل كولەمى كەلەسىدەي:
- جەكە تۇلعالارعا - 5 ا ە ك؛
- لاۋازىمدى ادامدارعا - 15 ا ە ك؛
- شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا - 100 ا ە ك؛
- ورتا كاسىپكەرلىك سۋبەكتىلەرىنە - 200 ا ە ك؛
- ءىرى كاسىپكەرلىك سۋبەكتىلەرىنە - 500 ا ە ك.