راحىم وشاقبايەۆ ۆاكسيناتسيانى ۇگىتتەيتىن ازاماتتىق شتاب قۇرۋدى ۇسىندى
«داعدارىس بەلەڭ الىپ تۇر. قازاقستاندا حالىقتىڭ تەك %29 ەكپە الدى. سالىستىرساق، كانادادا ازاماتتاردىڭ %72، ۇلى بريتانيادا - %69، يتاليادا - %64، فرانسيادا - %62، گەرمانيادا - %61 ا ق ش- تا - %57 ۆاكسينا العان. يسپانيالىقتاردىڭ ەكپە قابىلداۋ قارقىنى تاڭعالدىرادى - تاۋلىك سايىن 500 مىڭ ادام الىپ جاتىر. ازاماتتارىنىڭ %68 ۆاكسينالانعان. دامىعان الەم دەلتا- شتامعا قاراماستان، ماسكالىق رەجيم مەن شەكتەۋلەردى الا باستادى. كوروناۆيرۋستان كەلەتىن ءولىم سانى كۇرت ازايدى. ال بىزدە ۆاكتسيناتسيا تۇرالاۋدا»، - دەگەن قوعام بەلسەندىسى بۇلاي جالعاسا بەرسە، كارانتين مەن لوكداۋننان كوز اشپايتىنىمىزدى، شاعىن جانە ورتا بيزنەستىڭ قايتا ەڭسە تىكتەي المايتىنداي بولىپ كۇيرەيتىنىن ەسكەرتەدى.
ساراپشى الەۋمەتتىك جەلىدە ءبىر- بىرىنە «يماندى بولسىن» دەپ كوڭىل ايتۋ كوبەيىپ تۇرعانىن دا ۆيرۋستىڭ باسەڭدەمەۋىمەن، ۆاكسينا الۋ قارقىنىنىڭ جەتكىلىكسىزدىگىمەن بايلانىستىرادى. ۆاكتسيناتسيانى حالىقتىڭ بيلىككە دەگەن سەنىم دەڭگەيىن كورسەتەتىن رەفەرەندۋمعا تەڭەگەن راحىم وشاقبايەۆ ەكپە الۋشىلاردىڭ سىلبىرلىعى بيلىككە ەلدىڭ سەنىممەن قاراي المايتىنىن كورسەتتى دەپ وتىر.
«كەز كەلگەن رەسمي اقپارات، ونىڭ ىشىندە ۆاكتسينانىڭ قاجەتتىگى تۋرالى مالىمەت بىردەن جوققا شىعارىلادى نەمەسە مانيپۋلياتسيا رەتىندە قابىلدانادى. ادامدار رەسمي مالىمەتكە، مەملەكەتتىك قىزمەتشىلەردىڭ مالىمدەمەلەرىنە سەنبەيدى. ۆاكسيناتسيا ناۋقانى - ءبىر جاعىنان IQ سىناعى. ءبىز قازىر مەديتسينانىڭ، عىلىمنىڭ جەتىستىكتەرىن جوققا شىعارىپ، «چيپتەۋ»، «5G» سياقتى قاستاندىق تەوريالارىنا سەنۋ ارقىلى ينتەللەكتىمىز بەن سىني ويلاۋ دەڭگەيىمىزدى كورسەتىپ وتىرمىز»، - دەيدى قوعامدىق قور پرەزيدەنتى.
ونىڭ پايىمىنشا، ۆاكتسينالاۋعا كەدەرگى بولىپ تۇرعان تاعى ءبىر فاكتور - جەلىدەگى پوپۋليزم.
«انتيۆاكسەرلەر ءبىزدىڭ شەنەۋنىكتەردىڭ بىلىكسىزدىگى مەن ەكى جۇزدىلىگىن پايدالانىپ، جالپى نارازىلىقتىڭ تولقىنىن قالاۋىنشا بۇرمالاپ، تۇلعالىققا ۇمتىلۋدا. ءبىز ەڭ تانىمال دەگەن 10 انتيۆاكسەردىڭ اككاۋنتىن زەردەلەدىك. وقىرماندارىنىڭ جالپى سانى 6,2 ميلليوننان اسادى. ويلاناتىن جايت! كەز كەلگەن ساياسي وپپوزيتسيا جولدا قالادى. سونىمەن قاتار، بۇل ادامدار ورتالىق تەلەارنالار مەن نەگىزگى ينتەرنەت- پورتالداردا ەركىن كوسىلىپ ءجۇر. انتيۆاكسەرلەر بيلىكتىڭ ولاردىڭ الدىنداعى دارمەنسىزدىگى مەن ۇرەيىن كورگەن سايىن وزدەرىنىڭ داڭقى مەن جازاسىزدىعىنا ماستانىپ ءجۇر. پرەزيدەنتتىڭ انتيۆاكسەرلەر تۋرالى سوزىنەن كەيىن- اق ولار دەنساۋلىق ساقتاۋ ۆيتسە- مينيسترىنە قول كوتەرىپ، جازاسىز قالدى. مۇنىڭ ءبارى بيلىك پەن جۇيەنىڭ دارمەنسىزدىگى تۋرالى كۇدىكتى قويۋلاتىپ وتىر. كوز الدىمدا انتيۆاكسەرلەر جاستار ءۇشىن تارتىمدى تۇلعاعا اينالىپ جاتىر»، - دەپ كەيدى بەلسەندى.
ساراپشى مۇنىڭ ءبىر سەبەبىن ازاماتتىق قوعامنىڭ قاۋقارسىزدىعىنان كورىپ وتىر. ول بۇل قاۋقارسىزدىقتىڭ استارىندا ازاماتتىق قوعامنىڭ الاۋىزدىعى جاتقانىن ايتادى. ەسكى رەنىشتەر مەن قىزعانىشقا بوي ۇرعان باسەكە تاراپتاردىڭ ءبىر ماقساتقا جۇمىلۋىنا كەدەرگى كەلتىرىپ تۇرسا كەرەك. راحىم وشاقبايەۆ بۇل ىستەگى ب ا ق- قا جۇكتەلەتىن مىندەتكە دە ەرەكشە توقتالعان.
«مەن بارشا اقىل- ەسى دۇرىس ادامدارعا بىرىگىپ، ۆاكسيناتسيانى ۇگىتتەيتىن ازاماتتىق شتاب (جوبالىق كەڭسە) سياقتى ۇيىم قۇرۋعا تالپىنباقشىمىن. ۇجىمدىق يممۋنيتەتكە قول جەتكىزۋ، شەكتەۋلەردى الىپ تاستاۋ جانە پاندەميادان ارىلۋ ءۇشىن ءبىز قارسى كورسەتىلىمدەرى جوق 5 ميلليون ەرەسەك وتانداسىمىزدى ۆاكسينانىڭ قاجەتتىگىنە يلاندىرۋىمىز كەرەك. الداعى 3 ايعا جوسپار قۇرايىق. ازاماتتىق قوعام قالىپتى ومىرگە ورالۋ ءۇشىن نە ىستەي الادى؟ ءبىزدىڭ TALAP ورتالىعى ۆاكتسينالاۋ تۋرالى ازاماتتىق ناۋقاندى قولداۋعا ايىنا 3 ميلليون تەڭگە ءبولۋدى ۇيعارىپ وتىر»، - دەپ ۇندەۋ تاستادى بەلسەندى. راحىم وشاقبايەۆتىڭ ۇسىنىسى بويىنشا شتابقا مۇشە بولعان ادامدار كۇندەلىكتى ومىردە ۆاكسينانىڭ كەرەكتىگىن ناسيحاتتاۋى كەرەك.
ول ءۇشىن مىناداي قىزمەتتەردى ۇيلەستىرۋ قاجەتتىگى تۋىندايدى:
- اقپاراتتى جيناپ، تەكسەرۋمەن اينالىساتىن اناليتيكالىق جانە الەۋمەتتىك زەرتتەۋلەر جۇرگىزۋ،
- ۆاكسينانى ۇگىتتەيتىن زاماناۋي كونتەنت ۇيىمداستىرۋ،
- WhatsApp-توپتاردا، باسقا دا الەۋمەتتىك جەلى الاڭدارىندا ۆاكتسينانى ۇگىتتەيتىن كونتەنتتى تاراتاتىن SMM- توپتاردىڭ جۇمىسىن ۇلەستىرۋ،
- بيزنەسپەن، ءىرى جۇمىس بەرۋشىلەرمەن، Ahyq كوشباسشىلارمەن جانە كوش سوڭىنداعىلارمەن جۇمىس جۇرگىزۋ.
- ۆاكسينالاردىڭ جاناما اسەرلەرى تۋرالى سەنىم تەلەفونىن قۇرۋ. راحىم وشقابيەۆ بۇل جۇمىستاردىڭ ءبارىن مۇلتىكسىز ورىنداۋ ءۇشىن ازاماتتىق شتاب قۇرامىنا مىناداي مامانداردىڭ ساناتىن شاقىرادى:
- نارازى تۇسىنىكتەگى ادامدارمەن جۇمىس ىستەيتىن دارىگەرلەر، ينفەكسيونيستەر،
- ۇگىتشىلەر مەن ناسيحاتشىلار،
- ۆاكسيناتسيا پۋنكتەرىن باقىلاۋ، ءتولقۇجات ساتۋمەن اينالىساتىنداردى تەكسەرەتىن ەرىكتىلەر.