+7 (701) 759 90 19
7 °С : نۇر-سۇلتان
20 °С : الماتى
USD 425.75 EUR 499.32
RUB 5.85 CNY 65.88
جاڭالىقتار

ەلىمىزدە قۇرىلىس ماتەريالدارىن ءبىرىڭعاي باعامەن ساتۋ الاڭى ىسكە قوسىلادى

3 تامىز 18:30
:ءبولىسۋ
ەلىمىزدە قۇرىلىس ماتەريالدارىن ءبىرىڭعاي باعامەن ساتۋ الاڭى ىسكە قوسىلادى

نۇر- سۇلتان. قازاقپارات - ەلىمىزدە قۇرىلىس ماتەريالدارىن ساتۋ مەن ساتىپ الۋعا ارنالعان ونلاين جۇيە ىسكە قوسىلادى.

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ ءبىرىنشى ۆيتسە- ءمينيسترى قايىربەك وسكەنبايەۆ ءمالىم ەتتى، دەپ حابارلايدى قازاقپارات ءتىلشىسى.

«ماركەتپلەيس الاڭى قۇرىلىس ماتەريالدارىنىڭ قۇنىن %15 عا دەيىن تومەندەتۋگە مۇمكىندىك بەرەدى جانە نارىقتىڭ اشىقتىعىن قامتاماسىز ەتەدى. سونداي- اق، وتاندىق وندىرۋشىلەر مەملەكەتتىڭ قولداۋىمەن ۇزاق مەرزىمدى كەلىسىمشارتتار جاساسۋعا جانە قۇرىلىس ماتەريالدارىن بەلگىلەنگەن قۇنى بويىنشا ساتۋعا مۇمكىندىك الادى. سونىمەن قاتار جاڭا جۇيە قۇرىلىس سالۋشى كومپانيالار ءۇشىن دە ءتيىمدى»، - دەدى ق. وسكەنبايەۆ باسپا ءسوز ءماسليحاتىندا.

ونىڭ ايتۋىنشا، اتالعان جۇيە ارقىلى قۇرىلىس ماتەريالدارىن شىعارۋشىلار ءوز ونىمدەرى تۋرالى اقپارتتى ەمىن- ەركىن جاريالاي السا، تيىسىنشە قۇرىلىس كومپانيالارى تاۋارعا دەلدالسىز ءتيىمدى باعامەن قول جەتكىزە الادى.

«وسىلايشا قۇرىلىس كومپانيالارى ءۇشىن وتاندىق قۇرىلىس ماتەريالدارىن ساتىپ الۋ تىكەلەي قولجەتىمدى. قازىرگى ۋاقىتتا سايت تەستىلەۋدەن ءوتىپ جاتىر. بۇگىندە ەلىمىز بويىنشا قۇرىلىس ماتەريالدارىن شىعاراتىن 31 ونەركاسىپ تىركەلىپ، ولار 50 دەن استام كوممەرتسيالىق ۇسىنىس ءبىلدىردى. جىل سوڭىنا دەيىن قۇرىلىس ماتەريالدارىن ازىرلەيتىن كومپانيالار ءوز ونىمدەرىن ونلاين ۇسىناتىن سورە فۋنكسياسى ءازىر بولادى. قۇرىلىس ماتەريالدارىنىڭ باعاسى قۇرىلىس ءىسى جانە تۇرعىن- ءۇي كوممۋنالدىق شارۋاشىلىعى كوميتەتى ارقىلى قاداعالانادى. وسىلايشا باعا تۇراقتىلىعىن قامتۋدى كوزدەپ وتىرمىز»، - دەيدى ول.

بۇعان دەيىن مينيستر ورىنباسارى ەلىمىزدە قۇرىلىس جوبالارىنىڭ قۇنى ونلاين كالكۋلياتور ارقىلى ەسەپتەلىنەتىنى تۋرالى ايتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات