پرەزيدەنت تاپسىرماسى: جامبىل وبلىسىندا باسقارما باسشىسى قىزمەتىنەن بوساتىلدى
2021 -جىلعى 3 - تامىزدا جامبىل وبلىسى اكىمىنىڭ وكىمىمەن قايرات دوسايەۆ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قىزمەتىنەن بوساتىلدى.
ق. دوسايەۆ 2019 -جىلدىڭ 20 - جەلتوقسانىندا جامبىل وبلىسى اكىمىنىڭ وكىمىمەن جامبىل وبلىسى اكىمدىگىنىڭ ەڭبەك ينسپەكسياسى باسقارماسىنىڭ باسشىسى - باس مەملەكەتتىك ەڭبەك ينسپەكتورى قىزمەتىنە تاعايىندالعان بولاتىن. ال 2021 - جىلدىڭ 30 - شىلدەسىندە ق. دوسايەۆ 2019 - جىلدىڭ 20 - جەلتوقسانىنان باستاپ اتقارىپ وتىرعان جامبىل وبلىسى اكىمدىگىنىڭ ەڭبەك ينسپەكسياسى باسقارماسىنىڭ باسشىسى - باس مەملەكەتتىك ەڭبەك ينسپەكتورى قىزمەتىنەن بوساتىلا وتىرىپ، جامبىل وبلىسى اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى بولىپ تەڭ دارەجەلى لاۋازىمىنا تاعايىندالدى.
بۇگىن ق ر پرەزيدەنتى قاسىم- جومارت توقايەۆ بۇعان دەيىن جۇمىسىنان قۋىلعان تاراز قالاسىنىڭ ەكس- اكىمى قايرات دوسايەۆتى جاڭا قىزمەتكە تاعايىنداعانى ءۇشىن جامبىل وبلىسىنىڭ اكىمى بەردىبەك ساپاربايەۆقا سوگىس جاريالاپ، كادرلىق قاتەلىكتى تۇزەۋدى تاپسىردى.
اۆتور: سايا سەمباي