+7 (701) 759 90 19
13 °С : نۇر-سۇلتان
31 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

اۋىل تۇرعىندارىنىڭ تابىسىن ارتتىرۋدا قانداي ماسەلەلەر تۋىندادى -  بەردىبەك ساپاربايەۆ

3 تامىز 14:25
:ءبولىسۋ
اۋىل تۇرعىندارىنىڭ تابىسىن ارتتىرۋدا قانداي ماسەلەلەر تۋىندادى -  بەردىبەك ساپاربايەۆ

نۇر- سۇلتان. قازاقپارات - جامبىل وبلىسىنىڭ اكىمى بەردىبەك ساپاربايەۆ اۋىل تۇرعىندارىنىڭ تابىسىن ارتتىرۋ جوباسىندا قانداي ماسەلەلەر تۋىنداعانىن ايتىپ بەردى، دەپ حابارلايدى قازاقپارات ءتىلشىسى.

ەلباسىنىڭ تاپسىرماسىمەن 2019 -جىلى جامبىل وبلىسىندا اۋىل تۇرعىندارىنىڭ تابىسىن ارتتىرۋ ءۇشىن پيلوتتىق جوبا باستالعان ەدى.

«اۋىل تۇرعىندارىنىڭ تابىسىن ارتتىرۋ جوباسى 5 باعىتتا جۇزەگە استى: ءبىرىنشى باعىت - ءۇي ىرگەسىندەگى جەرلەردى پايدالانۋ، ەكىنشى - مال باسىن كوبەيتۋ، ءۇشىنشى - اۋىل سىرتىنداعى جەرلەردى پايدالانۋ، ءتورتىنشى - تەحنيكا بەرۋ، بەسىنشى - كاسىپ اشۋعا قولداۋ كورسەتۋ. سونىڭ ناتيجەسىندە 11 اۋىلدىڭ وزىندە 45 مىڭنان استام مال ساتىپ الىندى، 10 مىڭ گەكتاردان استام جەر بىرىكتىرىلىپ، كووپەراتيۆ قۇرىلدى، 190 تەحنيكا الىنىپ، وڭدەۋ، جىلىجايلار سەكىلدى 11 كاسىپ اشىلدى. وسى جوبا ناتيجەسىندە 2282 كاسىپكەر رەسمي تىركەلدى، 589 جاڭا جۇمىس ورنى اشىلدى. وسى بەس جىلدا ءبىزدىڭ جوبامىز بويىنشا ەكونوميكالىق تيىمدىلىك ەڭ كەمى 14,5 ميلليارد تەڭگەنى قۇراماق»، - دەدى ءوڭىر باسشىسى ۇكىمەت وتىرىسىندا. سونىمەن بىرگە، اتالعان جوبانى جۇزەگە اسىرۋدا ءبىرقاتار ماسەلەلەر دە تۋىنداعان.

«ەڭ ءبىرىنشى ماسەلە - اۋىل شارۋاشىلىعى ونىمدەرىن ساتۋ. مەملەكەت باسشىسىنىڭ تاپسىرماسىمەن «القاپتان سورەگە دەيىن» جوباسى جۇزەگە اسۋدا. ول جوبانىڭ ماقساتى - الىپساتارلاردى، ياعني دەلدالداردى جويۋ. ءبىز 4 ءىرى ساۋدا ورتالىعىن انىقتادىق، ولارعا 11 ساۋدا قوجالىعىن بەكىتتىك. ولار دەلدالسىز باعانى 15-20 پايىزعا تومەندەتىپ، ازىق- تۇلىك ساتادى. وعان قوسىمشا ا ك ك كومەگىمەن 28 الەۋمەتتىك دۇكەن اشتىق، 15- ءى وبلىس ورتالىعىندا، قالعانى اۋدانداردا ورنالاسقان. وندا ەڭ الدىمەن ازىق- تۇلىكتەردى از قامتىلعان جانە كوپبالالى وتباسىلارعا تاراتامىز. سونىڭ ناتيجەسىندە 6 ايدىڭ قورىتىندىسى بويىنشا رەسپۋبليكادا ازىق- تۇلىك باعاسى ەڭ تومەن وڭىرگە اينالدىق»، - دەيدى ب، ساپاربايەۆ.

اكىمنىڭ ايتۋىنشا، تاعى ءبىر وزەكتى تاقىرىپ - جايىلىم ماسەلەسى بولىپ وتىر. «بىزدە 8,6 ميلليون گەكتار جايىلىم بار، ءبىر جىلدا ونىڭ بارىنە ريەۆيزيا جاسادىق، ءۇي ىرگەسىندە، اۋىل سىرتىندا، ورمان قورىنداعى جايىلىمدى ەسەپكە الدىق. ناتيجەسىندە 256 مىڭ گەكتار جايىلىم قايتارىلدى، بۇل جۇمىستاردى ءالى دە جالعاستىرامىز. جالپى بىزدە ءبىر مالعا ەسەپتەگەندە 9 گەكتار جايىلىم بار. ول ابدەن جەتكىلىكتى، تەك ءتيىمدى پايدالانۋ كەرەك. ورمان قورىنىڭ جەرىن پايدالانساق، مالدى جەم- شوپپەن قامتاماسىز ەتۋدە ەش ماسەلە بولمايدى»، - دەيدى ءوڭىر اكىمى.

ءسوز سوڭىندا ب، ساپاربايەۆ پيلوتتىق جوبانى وزگە دە اۋىلداردا جالعاستىرۋدى ۇسىندى.

«بىزدە قالعان اۋىلدىق وكرۋگتەردە 118 مىڭنان استام اۋلا بار، 634 مىڭ تۇرعىن بار. ءبىزدىڭ ەندىگى ۇسىنىمىز - وسى تاجىريبەگە سۇيەنە كەلە، 5 باعىتتا دامىتۋدى جالعاستىرۋ. بۇل جۇمىسسىزدار سانىن ازايتادى، ءوزىن- ءوزى قامتىعانداردى كوبەيتەدى، ەڭبەك ونىمدىلىگى بولادى. ولار كاسىپكەر بولىپ تىركەلەدى، ااك الاتىندار سانى ازايادى. ەڭ كەمى 7,5 مىڭ جاڭا جۇمىس ورنى اشىلادى. اۋىل تۇرعىندارى ءبىرىنشى ءوز مۇمكىندىكتەرىن تولىق پايدالانادى، ءوز وتباسىن اسىرايدى جانە قالعان ءونىمدى ساتىپ، قوسىمشا پايدا تابادى»، - دەپ ءتۇسىندىردى بەردىبەك ساپابايەۆ.

اۆتور: ايجان سەرىكجان قىزى


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات