+7 (701) 759 90 19
14 °С : نۇر-سۇلتان
28 °С : الماتى
USD 424.92 EUR 500.09
RUB 5.87 CNY 65.92
جاڭالىقتار

وليمپيادا: ساكەن بيبوسىنوۆ بۇگىن يسپانيالىق بوكسشىمەن شەبەرلىك بايقاسادى

3 تامىز 13:41
:ءبولىسۋ
وليمپيادا: ساكەن بيبوسىنوۆ بۇگىن يسپانيالىق بوكسشىمەن شەبەرلىك بايقاسادى

توكيو. قازاقپارات - توكيو وليمپياداسىندا قازاقستاندىق ساكەن بيبوسىنوۆ (52 كەلى) بۇگىن شيرەك فينالدا يسپانيالىق گابريەل ەسكوبارمەن كەزدەسەدى، دەپ حابارلايدى قازاقپارات ءتىلشىسى.

ساكەننىڭ قارسىلاسى - گابريەل ەسكوبار 1996 -جىلدىڭ 22 - شىلدەسىندە يسپانيانىڭ لەگانەس قالاسىندا دۇنيەگە كەلگەن. بۇگىنگە دەيىن قۇرلىقتىق دودالاردا جەڭىمپازدار قاتارىنان كورىندى. ازىرگە دۇنيەجۇزىلىك دەڭگەيدە جۇلدە العان جوق.

وليمپيادادا ءبىرىنشى ىرىكتەۋ كەزەڭىندە ارگەنتينالىق رامون كيروتانى 5:0 ەسەبىمەن جەڭسە، 1/8 فينالدا بولگاريالىق دانيەل اسەنوۆتى 4:1 ەسەبىمەن تىزە بۇكتىردى. ال ساكەن بيبوسىنوۆ ءبىرىنشى جەكپە- جەگىندە پۋەرتو- ريكودان كەلگەن يانكيەل ريۆەرانى 4:1 ەسەبىمەن جەڭسە، ودان كەيىن فرانسيالىق بيللال بەننامنان 5:0 ەسەبىمەن باسىم ءتۇستى. جەكپە- جەك ەلوردا ۋاقىتىمەن ساعات 14:48-گە بەلگىلەنگەن.

ەسكە سالساق، بيىلعى وليمپياداعا بوكستان ەرلەر قۇراماسىنان 8 سپورتشى باردى. ولاردىڭ اراسىنان ساكەننەن وزگە زاكير سافيۋللين (63 كەلى)، قامشىبەك قوڭقابايەۆ (91 كەلىدەن جوعارى) جارىستى جالعاستىرۋدا.

اۆتور: ءادىلجان ۇمبەت


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات