+7 (701) 759 90 19
14 °С : نۇر-سۇلتان
28 °С : الماتى
USD 424.92 EUR 500.09
RUB 5.87 CNY 65.92
جاڭالىقتار

زاكير سافيۋلليننىڭ بۇگىن اۆستراليالىق بوكسشىمەن كەزدەسەتىن ۋاقىتى بەلگىلەندى

3 تامىز 12:24
:ءبولىسۋ
زاكير سافيۋلليننىڭ بۇگىن اۆستراليالىق بوكسشىمەن كەزدەسەتىن ۋاقىتى بەلگىلەندى

توكيو. قازاقپارات - توكيو وليمپياداسىندا قازاقستاندىق زاكير سافيۋللين (63 كەلى) بۇگىن شيرەك فينالدا اۆستراليالىق حارريسون گارسايدپەن كەزدەسەدى، دەپ حابارلايدى قازاقپارات ءتىلشىسى.

زاكيردىڭ قارسىلاسى - حارريسون گارسايد 1997 -جىلى 22-شىلدەدە دۇنيەگە كەلگەن. ازىرگە حالىقارالىق دەڭگەيدە جوعارى تابىستارعا قول جەتكىزە قويعان جوق. ول وليمپياداداعى جارىسىن ءبىرىنشى ىرىكتەۋ كەزەڭىندە پاپۋا-جاڭا گۆينەيا ەلىنەن كەلگەن دجون ۋمەنى، ودان كەيىن ناميبيالىق يوناس يوناستى 5:0 ەسەبىمەن جەڭدى.

ال زاكير سافيۋللين 1986 -جىلدىڭ 11-قاراشاسىندا تۋعان. 2015 -جىلى ازيا چەمپيوناتىندا كۇمىس جۇلدەگەر اتاندى. وليمپيادادا زاكير ءبىرىنشى ىرىكتەۋ كەزەڭىندە پەرۋلىك لەودان پەزونى 5:0 ەسەبىمەن جەڭسە، ودان كەيىن جاپونيالىق دايسۋكە ناريماتسۋ دەنساۋلىق جاعدايىنا بايلانىستى شارشى الاڭعا شىعۋدان باس تارتتى. بۇگىنگى جەكپە-جەك استانا ۋاقىتىمەن ساعات 15:35-كە بەلگىلەنگەن.

زاكير قارسىلاسىن جەڭگەن جاعدايدا جارتىلاي فينالدا كۋبالىق ەندي كرۋز جانە برازيليالىق ۆاندەرسون وليۆەيرامەن شەبەرلىك بايقاسادى.

ەسكە سالساق، بيىلعى وليمپياداعا بوكستان ەرلەر قۇراماسىنان 8 سپورتشى باردى. ولاردىڭ اراسىنان زاكيردەن وزگە ساكەن بيبوسىنوۆ (52 كەلى)، قامشىبەك قوڭقابايەۆ (91 كەلىدەن جوعارى) جارىستى جالعاستىرىپ جاتىر.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات