قازاقستاننىڭ قاي وڭىرلەرىندە ك ۆ ي ناۋقاستارى كوپ

نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي ۇكىمەت وتىرىسىندا ەلدەگى ەپيدەميولوگيالىق جاعدايدى باياندادى، دەپ حابارلايدى قازاقپارات ءتىلشىسى.

«ەپيدەميولوگيالىق احۋالدى باعالاۋ ماتريتساسىنا سايكەس، قازاقستان رەسپۋبليكاسى 26-ماۋسىمنان بەرى «قىزىل» ايماقتا تۇر. تۇركىستان وبلىسىنان باسقا وڭىرلەردىڭ ءبارى «قىزىل» ايماقتا. 3-تامىزداعى جاعداي بويىنشا، رەسپۋبليكاداعى ينفەكسيالىق توسەك-ورىننىڭ 56 پايىزىندا، رەانيماتسيالىق توسەك-ورىننىڭ 44 پايىزىندا ناۋقاستار جاتىر. اسىرەسە، جۇقپالى اۋرۋحانالارداعى ەڭ كوپ ناۋقاس نۇر-سۇلتان، شىمكەنت قالالارىندا، جانساقتاۋ بولىمىندەگى ناۋقاستار اقمولا، اتىراۋ، ماڭعىستاۋ وبلىستارى مەن نۇر- سۇلتان قالاسىندا كوپ تىركەلگەن»، - دەيدى مينيستر.

دەنساۋلىق ساقتاۋ مينيسترلىگى ءوز قىزمەتكەرلەرى مەن مەديتسينالىق ج و و پروفەسسورلىق- وقىتۋشىلىق قۇرامىمەن بىرگە 10 ايماققا ساپارلاپ بارعان جانە ك ۆ ي ناۋقاستارىن كۇتۋ بويىنشا پراكتيكالىق جانە ادىستەمەلىك كومەك كورسەتكەن.

«وڭىرلەردەگى احۋالعا ەگجەي- تەگجەيلى تالداۋ جۇرگىزىلىپ، جاعدايدى تۇراقتاندىرۋ ءۇشىن ناقتى ۇسىنىستار بەرىلدى. ستاتسيونارلارعا جۇكتەمەنى باعالاۋ ماتريتساسىنا سايكەس، «قويۋ قىزىل» ايماقتا - ءقاۋىپ جوعارى ايماقتا ءتورت ءوڭىر بار، ولار - الماتى، شىمكەنت قالالارى، اتىراۋ جانە قاراعاندى وبلىستارى. ونداعى توسەك- ورىننىڭ اپتالىق قامتىلۋ كورسەتكىشى 100 مىڭ تۇرعىنعا شاققاندا 200-دەن اسادى جانە ودان دا جوعارى»، - دەدى ا. سوي.

اۆتور: ايجان سەرىكجان قىزى