دزيۋدو فەدەراتسياسى توكيوداعى ناشار كورسەتكىش ءۇشىن بارلىق باپكەردى قىزمەتىنەن قۋدى

نۇر-سۇلتان. قازاقپارات - ازەربايجان دزيۋدو فەدەراتسياسى كوماندانىڭ بارلىق باپكەرىن قىزمەتىنەن بوساتتى.

وعان توكيو وليمپياداسىنداعى ناشار كورسەتكىش سەبەپ بولعان، - دەپ حابارلايدى Vesti.kz.

«توكيوداعى وليمپيادا ويىندارىنداعى ناشار كورسەتكىشتەن كەيىن ءبىز بارلىق باپكەردى وتستاۆكاعا جىبەرىك. وسىلايشا، ۋكراينالىق باس باپكەر رۋسلان ماشۋرەنكو مەن ونىڭ كومەكشىلەرىنىڭ بارلىعى قىزمەتىنەن قۋىلدى. سونىمەن قاتار، دزيۋدوشىلاردىڭ ايلىعى سپورتشىلاردىڭ الداعى ۋاقىتتا كورسەتكەن ناتيجەلەرىنە بايلانىستى تولەنەدى. دزيۋدودان ازەربايجاننىڭ جاستار قۇراماسىنىڭ باس باپكەرى ەلچين يسمايلوۆ ۇلتتىق قۇرامانىڭ ۋاقىتشا باس باپكەرى بولادى»، - دەلىنگەن فەدەراتسيانىڭ رەسمي سايتىندا.

ايتا كەتەيىك، توكيو وليمپياداسىنا ازەربايجان اتىنان جەتى دزيۋدوشى بار. ءبىراق بىردە-ءبىر جۇلدە جەڭبەدى. ال ايەلدەر اراسىندا تەك 78 كەلىدە ونەر كورسەتەتىن يرينا كيندزەرسكايا قولا جۇلدە ەنشىلەدى.