ءبىرقاتار ەلدەردە حالىق كوروناۆيرۋس ۆاكسيناسىنىڭ ءۇشىنشى دوزاسىن الىپ جاتىر

None
None
نۇر-سۇلتان. قازاقپارات - كوروناۆيرۋس ينفەكسياسىنىڭ الاڭداتارلىق ستاتيستيكاسى حالىققا ۆاكسينانىڭ ءۇشىنشى دوزاسىن الۋدى ۇسىنادى.

بۇل تۋرالى، اتاپ ايتقاندا، گەرمانيانىڭ 16 فەدەرالدى شتاتىنىڭ دەنساۋلىق ساقتاۋ مينيسترلەرى كەلىستى، دەپ حابارلايدى قازاقپارات еuronews اگەنتتىگىنە سىلتەمە جاساپ.

سونداي-اق، ۆاكسيناتسيا باعدارلاماسىنا 12 جاستان 17 جاسقا دەيىنگى تۇرعىنداردى ەنگىزۋ تۋرالى شەشىم قابىلداندى. قازىرگى ۋاقىتتا گەرمانيادا حالىقتىڭ %52 دان استامى ەكى ەكپەدەن الدى. يزرايلدە بەس اي بۇرىن ەگىلگەن 60 جاستان اسقان ازاماتتاردى قوسىمشا ۆاكسينالاۋ كامپانياسى ءجۇرىپ جاتىر. پرەزيدەنت يسحاك گەرسوگ العاشقىلاردىڭ ءبىرى بولىپ «پفايزەر» امەريكالىق كومپانياسى پرەپاراتىنىڭ ءۇشىنشى دوزاسىن الدى.

ەلدىڭ دەنساۋلىق ساقتاۋ مينيسترلىگىنىڭ مالىمەتىنشە، بۇگىندە ەلدە كوروناۆيرۋس جۇقتىرعانداردىڭ %40 - بالالار مەن جاسوسپىرىمدەر. سونىمەن قاتار، ۆاكسيناتسيا مەن شەكتەۋ شارالارىنا قارسى حالىقتىڭ ءبىر بولىگىنىڭ نارازىلىعى دا ارتىپ كەلەدى.

پولشادا بەلگىسىز بىرەۋلەر زاموستس قالاسىنداعى ۆاكسيناتسيا پۋنكتى مەن ەپيدەميولوگيالىق ستانسيانى ورتەپ جىبەرگەن. پولشا بيلىگى بۇل وقيعانى تەرروريزم اكتىسى دەپ اتادى. دەنساۋلىق ساقتاۋ ءمينيسترى ادام نيجەلسكي: «بۇل ارەكەتتەر تەك جەرگىلىكتى مەديتسينا قىزمەتكەرلەرىنە عانا ەمەس، بۇل تەرروريزم اكتىسى مەملەكەتكە قارسى باعىتتالعان»، - دەپ مالىمدەدى.

سوڭعى كەزدەرى اگرەسسيانىڭ مۇنداي كورىنىستەرى جيىلەپ كەتتى. دەمالىس كۇندەرى گدىنيا قالاسىندا ۆاكسيناتسياعا قارسى توپ موبيلدى ۆاكسيناتسيا پۋنكتىنە شابۋىل جاسادى. الەۋمەتتىك ساۋالناما كورسەتكەندەي، پولشا تۇرعىندارىنىڭ تورتتەن ءبىر بولىگى ۆاكسينالانعىسى كەلمەيدى نەمەسە ەكپەنىڭ تيىمدىلىگىنە ءالى دە كۇمانمەن قارايدى.

اۆتور: اياۋلىم التىنبەك

سوڭعى جاڭالىقتار