قىزىلوردادا كوروناۆيرۋس جۇقتىرۋ جاعدايى كۇردەلەنە ءتۇستى
وتكەن تاۋلىكتە وڭىردە كورونوۆيرۋس جۇقتىرۋدىڭ 206 جاعدايى تىركەلسگەن. ونىڭ 142 ى وبلىس ورتالىعىنان انىقتالعان. ناۋقاستاردىڭ 42 سى 14 جاسقا تولماعان بالالار، اراسىندا 3 ەۋى 1 جاسقا تولماعان نارەستە.
«وتكەن جىلدىڭ شىلدە ايىنان كەيىن بۇگىندە وڭىردە اۋرۋشاڭدىقتىڭ ءۇشىنشى تولقىنى باس كوتەردى. بيىل ءساۋىر ايىندا اۋرۋ سانى كۇرت ءوسىپ، 1540 جاعداي تىركەلسگەن ەدى. ال شىلدە ايىنىڭ العاشقى جارتىسىندا ىندەت جۇقتىرعاندار سانى 3341 ادامعا جەتتى. ال 29-شىلدەدەن باستاپ تاۋلىگىنە 200-دەن اسا جاعداي انىقتالا باستادى. ەڭ جوعارعى دەرەك سانى - 220 ادامدى قۇراپ وتىر. مۇنداي جاعداي بىلتىرعى پاندەميا كەزىندە دە بولعان ەمەس. بىلتىر شىلدە ايىندا ەڭ جوعارعى اۋرۋ تىركەلگەن سانى 118 بولاتىن. سوندىقتان وڭىردە ەپيدەميولوگيالىق احۋالدىڭ وتە كۇردەلى ەكەنىن ايتا كەتكەنىمىز ابزال»، - دەدى وبلىستىق سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءاليا ءابدىقايىموۆا.
ونىڭ ايتۋىنشا، وتكەن جىلدان باستاپ بۇگىنگە دەيىن وڭىردە 10741 ادام كوروناۆيرۋس جۇقتىردى. ونىڭ ىشىندە %59 ى كلينيكالىق بەلگىسىمەن انىقتالسا، سيمپتومسىز ءتۇرىنىڭ ۇلەسى - %41. ولاردىڭ %2 ى سىرتتان تاسىمالدانعان، %58 ى سكرينينگتىك تەكسەرۋ ناتيجەسىندە جانە %40 قارىم- قاتىناس ارقىلى جۇقتىرعان.
تىركەلگەن جاعدايدىڭ باسىم بولىگى، ياعني %62,4 قىزىلوردا قالاسىنىڭ ۇلەسىندە. سونىمەن قاتار اۋداندار اراسىندا جوعارى كورسەتكىش جاڭاقورعان، شيەلى جانە سىرداريادا تىركەلىپ وتىر. بارلىق وشاقتاردا قورىتىندى زالالسىزداندىرۋ جۇمىستارى جۇرگىزىلىپ، ىندەتكە قارسى، پروفيلاكتيكالىق شارالار ۇيىمداستىرىلدى. وشاقتارداعى قارىم- قاتىناستاعىلارعا 14 كۇنگە مەديتسينالىق باقىلاۋ ورناتىلدى.
ەسكە سالساق، الداعى كۇندەرى قىزىلوردادا جاقىن كۇندەرى مودۋلدى اۋرۋحانا پايدالانۋعا بەرىلەدى.