كانادا پاندەميانىڭ ءتورتىنشى تولقىنىنا دايىندالۋدا
قازاقپارات بۇل تۋرالى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىنا سىلتەمە جاساپ حابارلايدى.
كانادا پاندەميانىڭ ءتورتىنشى تولقىنىنا دايىندىق جۇرگىزۋدە. ەلدىڭ فەدەرالدى ۇكىمەتى وسى اپتادا Pfizer- BioNTech COVID-19 ۆاكسيناسىنىڭ 2,3 ميلليوننان استام دوزاسىن الۋدى جوسپارلاۋدا. دەنساۋلىق ساقتاۋ قىزمەتكەرلەرى كوروناۆيرۋستىڭ ءتورتىنشى تولقىنىنا ازىرلىك جۇمىستارىن باستاپ كەتتى. كانادانىڭ باس سانيتاريالىق دارىگەرى تەرەزا تەم ۆاكسيناتسيا دەڭگەيى ەڭ جوعارى شەكتى كورسەتكىشكە جەتكەنگە دەيىن كارانتيندىك شەكتەۋلەر الىنىپ تاستالسا، ەل پاندەميانىڭ ءتورتىنشى تولقىنىنا تاپ بولۋى مۇمكىن ەكەندىگىن ەسكەرتتى.
وسى مالىمدەمەدەن كەيىن ۇكىمەت COVID-19 ۆيرۋسىنا قارسى ۆاكسينانىڭ جاڭا دوزالارىنا تاپسىرىس بەرگەن. وڭتۇستىك كورەيا ۇجىمدىق يممۋنيتەت قالىپتاستىرۋعا بارىنشا تىرىسىپ باعۋدا.
«جاقىندا COVID-19-عا قارسى تولىق نەمەسە ءىشىنارا ۆاكتسيناتسيادان وتكەن ەل تۇرعىندارىنىڭ سانى 20 ميلليون ادامعا جەتەدى»، - دەدى ەل پرەزيدەنتى مۋن چجە ين.
پرەزيدەنت ۆاكسيناتسيا اۋىر اسقىنۋلاردىڭ پايدا بولۋ قاۋپىن جانە سايكەسىنشە ءولىم دەڭگەيىن تومەندەتۋ ءۇشىن قاجەت ەكەنىن اتاپ ءوتتى.
جاپپاي يممۋنداۋ جوسپارىنا سايكەس قىركۇيەك ايىنىڭ سوڭىنا قاراي 36 ميلليونعا جۋىق ازامات COVID-19 ۆاكسيناسىنىڭ كەم دەگەندە ءبىر دوزاسىن الادى، بۇل ەل حالقىنىڭ %70 قۇرايدى.