+7 (701) 759 90 19
13 °С : نۇر-سۇلتان
27 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

كوروناۆيرۋس قىتاي وڭىرلەرىنىڭ جارتىسىنا تاراپ كەتتى

2 تامىز 18:28
:ءبولىسۋ
كوروناۆيرۋس قىتاي وڭىرلەرىنىڭ جارتىسىنا تاراپ كەتتى

نۇر-سۇلتان.قازاقپارات -وتكەن تاۋلىكتە قىتايدا كوروناۆيرۋستى جۇقتىرعان 160 قا تارتا ناۋقاس انىقتالدى، دەپ حابارلايدى «حابار 24».

بۇل سوڭعى 10 كۇندەگى ەڭ جوعارى كورسەتكىش. جەرگىلىكتى ۇكىمەت وكىلدەرىنىڭ مالىمدەۋىنشە، سوڭعى كۇندەرى انىقتالعان ناۋقاستاردىڭ سانى بەس ايداعى جالپى كورسەتكىشكە جەتتى. ەلدە سانيتارلىق شارالار كۇشەيتىلىپ، ۆاكسينالاۋ ناۋقانىن ۇدەتىپ جاتىر. سوڭعى ەكى اپتادا كوروناۆيرۋس قىتاي وڭىرلەرىنىڭ جارتىسىنا تاراپ كەتتى. كوبىسى نانكينمەن بايلانىستى بولىپ شىقتى.

جەرگىلىكتى اقپارات قۇرالدارىنىڭ حابارلاۋىنشا، بۇل قالادا رەسەيدەن ۇشىپ كەلگەن ۇشاقتى تازالاعان اۋەجاي قىزمەتكەرى دەلتا شتامىن جۇقتىرعان. ۆيرۋس تاراعان بارلىق وڭىردە سانيتارلىق شارالار كۇشەيتىلدى.

پان سينحو، بەيجىڭ قالاسىنىڭ اۋرۋلاردى باقىلاۋ مەن الدىن الۋ ورتالىعى ديرەكتورىنىڭ ورىنباسارى:

- جاقىندا نانكين، جىڭجوۋ قالالارى سەكىلدى قاۋىپتى ايماقتاردا بارىپ قايتقاندارعا بۇل تۋرالى جۇمىس ورنى نەمەسە تۇراتىن مەكەنجايىنا حابارلاۋعا كەڭەس بەرەمىز. ناۋقاستارمەن قاتىناسقاندار كارانتينگە الىنادى، ال ولارمەن بىرگە جۇمىس ىستەيتىن نەمەسە جاقىن تۇراتىن ادامدار باقىلاۋعا الىنىپ، ولارعا كەز كەلگەن قوعامدىق شارالارعا قاتىسۋعا تىيىم سالىندى.

بەيجىڭ شاھارىندا اۋرۋ تىركەلگەن اۋدانداردىڭ تۇرعىندارىنا قالادان كەتۋگە تىيىم سالىندى. قالعاندارىنان دا وزگە وڭىرلەرگە، اسىرەسە كوروناۆيرۋس تىركەلگەن ايماقتارعا بارماۋعا نۇسقاۋ بەرىلدى. ساياباقتار مەن وزگە دە مەكەمەلەر قابىلدايتىن قوناقتار سانىن%60 دەيىن قىسقارتۋعا ءتيىس. سونداي- اق ەلدە ۆاكتسينالاۋ ناۋقانىن ۇدەتە ءتۇستى.

شيۋ يمين، ق ح ر اۋرۋلاردى باقىلاۋ مەن الدىن الۋ ورتالىعىنىڭ ساراپشىسى:

- ۆاكسينالاۋمەن قاتار ىندەتتىڭ الدىن الۋ مەن مۇقيات باقىلاۋ شارالارى ءوتۋى ءتيىس. بۇل ۆيرۋستىڭ تارالۋىنا جول بەرمەۋدىڭ جالعىز امالى. ەكپە سالدىرعاننان كەيىن ادامدارعا قاۋىپسىزدىك شارالارىن ساقتاۋىن جالعاستىرۋعا نۇسقاۋ بەرەمىز.

قىتاي تۇرعىندارىنا ءبىر ميلليارد 600 ميليوننان اسا ەكپە جاسالدى. ەگدە جاستاعى 150 ميلليون جانە 12-17 جاس ارالىعىنداعى 12 ميلليون ءجاسوسپىرىم ۆاكسينالاندى. ساراپشىلاردىڭ مالىمەتىنشە، ەلدە قولدانىلىپ جۇرگەن پرەپاراتتار دەلتا شتامىنا دا ءتيىمدى. الايدا ول تەز جۇعاتىندىقتان، توسقاۋىل قويۋ قيىن. بۇگىندە قىتاي اۋرۋحانالارىندا كوۆيدكە شالدىققان ءبىر جارىم مىڭداي ادام ەمدەلىپ جاتىر.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات