+7 (701) 759 90 19
2 °С : نۇر-سۇلتان
13 °С : الماتى
USD 425.85 EUR 499.78
RUB 5.82 CNY 65.87
جاڭالىقتار

قىتايلىق قانداسىمىز ءۋاليحان سەرىك ۇلى توكيو وليمپياداسىندا قولا مەدال الدى

2 تامىز 17:30
:ءبولىسۋ
قىتايلىق قانداسىمىز ءۋاليحان سەرىك ۇلى توكيو وليمپياداسىندا قولا مەدال الدى

نۇر- سۇلتان. قازاقپارات - توكيودا ءوتىپ جاتقان وليمپيادا ويىندارىندا قىتاي قازاعى، شىڭجاڭدىق قانداسىمىز ءۋاليحان سەرىك ۇلى گرەك- ريم كۇرەسىنەن 60 كەلىدە قولا جۇلدەگەر اتاندى، دەپ حابارلايدى قازاقپارات ءتىلشىسى.

العاشقى اينالىمدا ۋاليحان گەرمانيالىق ەتەن كينزينگەردى جەڭگەن بولاتىن. شيرەك فينالدا جاپون بالۋانى كەنيچيرو فۋميتاعا ەسە جىبەرىپ، جۇباتۋ بەلدەسۋىنە شىعۋعا مۇمكىندىك العان. كەيىن فۋميتا فينالعا شىعىپ، ءۋاليحان قولا مەدالعا تالاسۋعا مۇمكىندىك الدى.

ول 2 - تامىزدا قولاعا تالاستا الدىمەن ابدەلكارەم فەرگاتتى (الجير)، ودان سوڭ ۋكراينالىق لەنۋر تەميروۆتى جەڭدى.

بۇل سالماقتا كۋبالىق لۋيس ورتا وليمپيادا چەمپيونى اتانسا، فۋميتا كۇمىس، ءۋاليحان سەرىك ۇلى مەن رەسەيلىك سەرگەي ەمەلين قولا جۇلدە يەلەندى.

قىتاي گرەك- ريم كۇرەسىنەن 2008 -جىلى پەكيندە وتكەن وليمپيادادان سوڭ مەدال الماعان.

بۇل سالماقتا بەلدەسكەن قازاقستاندىق مەيرامبەك ايناقۇلوۆ ءبىرىنشى اينالىمدا قىرعىزستاندىق جولامان شارشەنبەكوۆتەن جەڭىلىپ، جۇلدەسىز قالعان.


ءۋاليحان سەرىك ۇلى - 1993 -جىلى شىڭجاڭنىڭ ءدوربىلجىن اۋدانىندا دۇنيەگە كەلگەن. قىتاي قۇراماسىنىڭ ساپىندا ونەر كورسەتەدى. قىتاي چەمپيوناتىنىڭ 4 دۇركىن جۇلدەگەرى، ماجارستان استاناسى بۋداپەشتە وتكەن الەم چەمپيوناتىنىڭ قولا جۇلدەگەرى، ازيا چەمپيوناتىندا 3-ورىن يەلەنگەن. ءۋاليحاننىڭ باپكەرى ءالنۇر تورگە ۇلى - حالىقارالىق دارەجەدەگى سپورت شەبەرى، ازيا چەمپيوناتىنىڭ كۇمىس جۇلدەگەرى. قىتاي اتىنان 2004 -جىلعى افينى وليمپياداسىنا قاتىسقان.


اۆتور: باقىتجول كاكەش



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات