+7 (701) 759 90 19
10 °С : نۇر-سۇلتان
18 °С : الماتى
USD 425.85 EUR 499.78
RUB 5.82 CNY 65.87
جاڭالىقتار

قىرعىزستاننىڭ ەكس- پرەزيدەنتى اسقار اقايەۆ بىشكەككە جەتكىزىلدى

2 تامىز 17:06
:ءبولىسۋ
قىرعىزستاننىڭ ەكس- پرەزيدەنتى اسقار اقايەۆ بىشكەككە جەتكىزىلدى

بىشكەك. كابار- قازاقپارات - قىرعىزستاننىڭ بۇرىنعى پرەزيدەنتى اسقار اقايەۆ بىشكەككە جەتكىزىلدى. بۇل تۋرالى قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ (ۇ ق م ك) باسپا ءسوز قىزمەتى ءمالىم ەتتى،

دەپ حابارلايدى قازاقپارات كابار اگەنتتىگىنە سىلتەمە جاساپ.

بۇعان دەيىن حابارلانعانداي، «قۇمتور» جوباسىن ىسكە اسىرۋ كەزىندەگى سىبايلاس جەمقورلىق فاكتىلەرى بويىنشا ەلدىڭ بۇرىنعى پرەزيدەنتى اسقار اقايەۆقا ىزدەۋ جاريالانعان بولاتىن. ا. اقايەۆ جوعارى لاۋازىمدى وزگە شەنەۋنىكتەرمەن قاتار 1992 -جىلى «قۇمتور» جوباسى بويىنشا باس كەلىسىم جاساۋ، 1994 -جىلى وعان وزگەرىستەر ەنگىزۋ، سونداي- اق 2003 -جىلى «كامەكو» كومپانياسىمەن باس كەلىسىمدى قايتا قۇرىلىمداۋ كەزىندەگى سىبايلاس جەمقورلىق فاكتىسى بويىنشا قىلمىستىق جاۋاپقا تارتىلدى.

وسىلايشا، ا. اقايەۆتىڭ پرەزيدەنتتىگى كەزەڭىندە «قۇمتور» جوباسىن ىسكە اسىرۋداعى جەمقورلىققا قاتىسى بار بارلىق كىنالى تۇلعاعا قۇقىقتىق باعا بەرىلدى.

«سونىمەن قاتار قىرعىز رەسپۋبليكاسىنىڭ ۇ ق م ك- مەن بىرلەسكەن تەرگەۋ بارىسىندا ا. اقايەۆتى رەسپۋبليكا اۋماعىنا جەتكىزۋ جولىمەن ونى قىلمىستىق جاۋاپتىلىققا تارتۋ بولىگىندە تاريحي ادىلەتتىلىكتى قالپىنا كەلتىرۋگە باعىتتالعان بەلسەندى جۇمىس جۇرگىزىلدى. سولاي، ۇ ق م ك قابىلداعان شارالار ناتيجەسىندە 2021 -جىلعى 2 - تامىزدا بۇرىنعى پرەزيدەنت اسقار اقايەۆ بىشكەك قالاسىنا جەتكىزىلىپ، كەيىن دەرەۋ ۆەدومستۆوارالىق تەرگەۋ توبىنا بەرىلدى. ا. اقايەۆ ۇ ق م ك عيماراتىندا. وندا ونىڭ قاتىسۋىمەن «قۇمتور» كەن ورنى بويىنشا قىلمىستىق ءىس شەڭبەرىندە قاجەتتى تەرگەۋ ارەكەتتەرى جۇرگىزىلەدى. جۇرگىزىلگەن تەرگەۋ ارەكەتتەرىنىڭ ناتيجەلەرى جانە ول بويىنشا، ونىڭ ىشىندە ا. اقايەۆقا قاتىستى قابىلدانعان پروتسەسسۋالدىق شەشىمدەر تۋرالى ۇ ق م ك جۇرتشىلىقتى قوسىمشا حاباردار ەتەتىن بولادى»، - دەلىنگەن «كابار» اقپاراتىندا.

ەسكە سالا كەتەيىك، 2005 -جىلدىڭ ناۋرىز ايىنداعى توڭكەرىستەن كەيىن ا. اقايەۆ رەسەيگە قاشىپ كەتكەن بولاتىن جانە وسى كۇنگە دەيىن سوندا بولدى.

اۆتور: اياۋلىم التىنبەك


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات