كوروناۆيرۋس ىندەتىن تۇبىمەن جويۋ مۇمكىن بولماي تۇر - قىتاي بيلىگى

نۇر-سۇلتان. قازاقپارات - قىتاي بيلىگى ەلدە COVID-19 ىندەتىن تولىق توقتاتۋ، ازىرشە مۇمكىن بولماي تۇرعانىن ايتادى.

وتكەن تاۋلىكتىڭ وزىندە قىتايدا 100 گە جۋىق ادام ينفەكسيا جۇقتىرعان. ولاردىڭ باسىم بولىگى - ۆيرۋستىڭ «دەلتا» شتامىنا شالدىققاندار.

مامانداردىڭ ايتۋىنشا، ناۋقاستاردىڭ جارتىسى سىرتتان كەلگەندەر. سول سەبەپتى ۇكىمەت بىرتىندەپ كارانتيندىك شارالاردى كۇشەيتە باستادى. اتاپ ايتقاندا، تۇرعىنداردىڭ قوزعالىسى شەكتەلىپ، جۇمىس ۋاقىتى قىسقارا باستادى.

ەلدىڭ دەنساۋلىق ساقتاۋ مينيسترلىگىنىڭ مالىمەتىنشە بۇگىندە 1,5 مىڭ قىتايلىق تۇرعىن ەم قابىلداپ جاتىر. ال ناۋقاستارمەن قارىم- قاتىناستا بولعان 25 مىڭ ازامات وقشاۋلاندى.