+7 (701) 759 90 19
3 °С : نۇر-سۇلتان
17 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

اۋرۋحانا توسەكتەرى تەز تولىپ جاتىر: استانا دارىگەرلەرى قالا تۇرعىندارىنا ۇندەۋ جاسادى

2 تامىز 13:44
:ءبولىسۋ
اۋرۋحانا توسەكتەرى تەز تولىپ جاتىر: استانا دارىگەرلەرى قالا تۇرعىندارىنا ۇندەۋ جاسادى

نۇر- سۇلتان. قازاقپارات - كوۆيد اۋرۋحانالارىندا وزدىگىنەن دەمالۋعا ءالى جوق 40 ادام وكپەنى جاساندى جەلدەتۋ اپپاراتىندا جاتىر، دەپ حابارلايدى قازاقپارات اكىمدىكتىڭ سايتىنا سىلتەمە جاساپ.

مۇنداي جاعداي ەلوردالىق دارىگەرلەردى الاڭداتىپ وتىر، اق حالاتتىلار قالا تۇرعىندارىن ساق بولۋعا، كارانتين مەن شەكتەۋ شارالارىن بۇزباۋعا شاقىرادى. تەك ۆاكسيناتسيا ءوزىڭىزدى جانە جاقىندارىڭىزدى قورعاۋعا، ۇجىمدىق يممۋنيتەتتى قالىپتاستىرۋعا مۇمكىندىك بەرەدى.

«تەك وتكەن تاۋلىكتە عانا ينفەكسيالىق ستاتسيونارلارعا 178 ادام جاتقىزىلدى. توسەكتەر بىردەن تولىپ جاتىر! ءاربىر ەكىنشى ناۋقاسقا وتتەگى كونتسەنتراتورى قاجەت، ولار ينۆازيۆتى ەمەس جەلدەتۋ استىندا جاتىر. ال جاعدايى تىم ناشارلار وكپەنى جاساندى جەلدەتۋ اپپاراتىنا قوسىلعان»، - دەيدى جۇقپالى اۋرۋلار اۋرۋحانالارىنىڭ مەديتسينا قىزمەتكەرلەرى.

دارىگەرلەر جاعدايى اۋىر ناۋقاستاردىڭ باسىم بولىگى ەكپە الماعان، ونىمەن قوسا سانيتارلىق تالاپتاردى ەلەمەي، سالتاناتتى ءىس- شارالارعا قاتىسقان نەمەسە ۇيىمداستىرعان ازاماتتار ەكەنىن ايتادى.


«بىزدە ءبىر ەرلى- زايىپتىلار بولدى. تەكسەرۋ جۇرگىزگەن كەزدە ولار جاقىندا عانا ادام كوپ جينالعان مەرەيتويعا بارعانىن مويىندادى. كوزىنە جاس الىپ، ەشقايدا شىقپاعانىمىز دۇرىس بولار ەدى دەپ وكىنىشىن ءبىلدىردى. ويتكەنى ول كەزدە كۇيەۋىنىڭ جاعدايى تىم ناشار ەدى. دەنساۋلىقپەن ويناماۋ كەرەكتىگىن تاعى دا ەسكە سالعىم كەلەدى. ەگەر ءسىز سانيتارلىق نورمالاردى ساقتاماساڭىز جانە ەكپە الماساڭىز، وندا «ماعان اۋرۋ جۇقپايدى» دەپ ەركىن جۇرە بەرۋگە بولمايدى»، - دەيدى كوۆيدتىك اۋرۋحانالاردىڭ بىرىندە جۇمىس ىستەيتىن جۇقپالى اۋرۋلار دارىگەرى گۇلباقىت اديجانوۆا.

2 - تامىزداعى جاعداي بويىنشا نۇر- سۇلتان قالاسىنىڭ ينفەكسيالىق ستاتسيونارلارىندا 2903 ناۋقاس جاتىر. رەانيماتسيادا 260 ادام، 40 پاتسيەنت ءو ج ج اپپاراتىنا قوسىلعان. قازىرگى ۋاقىتتا COVID-19-بەن كۇرەسۋ ءۇشىن قالادا 16 ستاتسيونار جانە 6 مىڭنان استام مەديتسينا قىزمەتكەرى جۇمىلدىرىلعان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات