ەلوردادا تويدان جەلىدە تىكەلەي ەفير جۇرگىزگەندەر وزدەرىن پوليتسياعا ۇستاپ بەردى

نۇر-سۇلتان. قازاقپارات - ەلوردادا توي ۇستىندە تىكەلەي ەفير جۇرگىزگەن ادامدار كارانتيندى بۇزعانى ءۇشىن جاۋاپقا تارتىلدى، دەپ حابارلايدى قازاقپارات قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

الەۋمەتتىك جەلگە مونيتورينگ جۇرگىزۋ بارىسىندا 1-تامىزدا باۋىرجان مومىش ۇلى داڭعىلىندا ورنالاسقان «كاكيە ليۋدي» رەستو-باردىڭ كارانتين رەجيمىن بۇزعانى انىقتالدى. مونيتورينگىلەۋ توبى كەلگەن كەزدە اقپارات راستالدى.

«مەكەمە باس سانيتارلىق دارىگەردىڭ قاۋلىسىندا كورسەتىلگەن سەنبى جانە جەكسەنبى كۇندەرى جۇمىس جاساۋعا تىيىم سالۋىنا قاراماستان، جۇمىس ىستەگەن. رەستو- باردىڭ ىشىندەگى كەلۋشىلەر كوڭىل كوتەرىپ، كاراوكەمەن ءان ايتقان، سانيتارلىق نورمالاردى بۇزعان. سونداي-اق، الەۋمەتتىك جەلىگە شىعىپ، تىكەلەي ەفير جۇرگىزگەن. ۇستەلدەر كەلۋشىلەرگە ازىرلەنگەن»، دەلىنگەن حابارلامادا.

مەكەمە يەسىنە قاتىستى جينالعان ماتەريال ق ر ا ق ب ك 425-بابىمەن اكىمشىلىك جاۋاپقا تارتۋ ءۇشىن ۋاكىلەتتى ورگانعا جولدانعان.

سانيتارلىق -ەپيدەميولوگيالىق باقىلاۋ باسقارماسى، اكىمدىك قىزمەتكەرلەرىنەن، ۆولونتەرلاردان جانە پوليتسەيلەردەن قۇرىلعان مونيتورينگى توبى كارانتين رەجيمىن بۇزعانداردى انىقتاۋ ءۇشىن رەيد جۇرگىزۋدى جالعاستىرادى. ازاماتتار قولدانىستاعى قاۋلىعا قاراماستان، وسى ۋاقىتقا دەيىن ويىن- ساۋىق مەكەمەلەرىنە بارۋدان باس تارتپاي جاتىر.

موبيلدى توپتار دەمالىس كۇندەرى 155 كاسىپكەرلىك وبەكتىسىن تەكسەرىپ، 40 فاكتىنى انىقتادى. قالالىق پوليتسيا دەپارتامەنتى كاسىپكەرلەردى كارانتين شارالارىن بۇزعانى ءۇشىن جاۋاپقا تارتىلاتىنىن ەسكەرتەدى جانە ازاماتتاردى كوپشىلىك شارالارعا بارماۋعا جانە وتباسىلىق تويلاردى وتكىزۋدەن باس تارتۋعا، سونداي-اق سانيتارلىق نورمالاردى ساقتاۋعا شاقىرادى.