+7 (701) 759 90 19
9 °С : نۇر-سۇلتان
21 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

ۇلتتىق سپورت تۇرلەرىنەن «ۇلى دالا رۋحى» فەستيۆالىنىڭ سولتۇستىك ايماقتىق ىرىكتەۋ جارىسى ءوتتى

2 تامىز 12:02
:ءبولىسۋ
ۇلتتىق سپورت تۇرلەرىنەن «ۇلى دالا رۋحى» فەستيۆالىنىڭ سولتۇستىك ايماقتىق ىرىكتەۋ جارىسى ءوتتى

نۇر-سۇلتان. قازاقپارات - ۇلتتىق سپورت تۇرلەرىنەن قازاقستان رەسپۋبليكاسى تاۋەلسىزدىگىنىڭ 30 جىلدىعى اياسىندا رەسپۋبليكالىق «ۇلى دالا رۋحى» فەستيۆالىن كەڭ كولەمدە وتكىزۋ كوزدەلىپ وتىر.

ۇلتتىق سپورتتىڭ كوكپار، بايگە، تەڭگە ءىلۋ، اۋدارىسپاق، جامبى اتۋ، قازاق كۇرەسى، توعىزقۇمالاق، اسىق اتۋ تۇرىنەن وتەتىن جارىستار كوماندالىق تارتىپتە جۇرگىزىلەدى.

فەستيۆالدى ۇيىمداستىرىپ وتكىزۋگە باسشىلىقتى قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى «ۇلتتىق جانە ات سپورتى تۇرلەرى ورتالىعى» ر م ق ك جۇرگىزەدى.


ەكى ايدان استام ۋاقىتقا سوزىلاتىن بۇل فەستيۆال II كەزەڭگە بولىنگەن. العاشقى كەزەڭ باسەكەسى ءتورت ايماقتا وتەدى.

سونداي-اق، كوكپار، قازاق كۇرەسى، توعىزقۇمالاق، اسىق اتۋ، اۋدارىسپاق، جامبى اتۋ، تەڭگە ءىلۋ سپورت تۇرلەرىنىڭ ىرىكتەۋ باسەكەلەرى 28-30-شىلدەدە كوكشەتاۋ قالاسىندا ءوتتى. سولتۇستىك ايماقتى قامتيتىن I كەزەڭ ىرىكتەۋ جارىستارىنا نۇر-سۇلتان قالاسى، اقمولا وبلىسى، قوستاناي وبلىسى، سولتۇستىك قازاقستان وبلىستارىنان 180 سپورتشىلار قاتىستى.

ايماقتارداعى ىرىكتەۋ جارىستارىنا ەلىمىزدەگى 14 وبلىس، 3 قالا كوماندالارى اراسىنان ۇزدىك شىققان كوماندالار فەستيۆالدىڭ II كەزەڭىندە فينالدا ونەر كورسەتەدى.

فينالعا جولداما العان وبلىستار:

1. كوكپار - اقمولا وبلىسى

2. اۋدارىسپاق - نۇر-سۇلتان قالاسى

3. جامبى اتۋ - اقمولا وبلىسى

4. تەنگە ءىلۋ – س ق و

5. اسىق اتۋ - اقمولا وبلىسى

6. توعىزقۇمالاق - نۇر-سۇلتان قالاسى

7. قازاق كۇرەسى - نۇر-سۇلتان قالاسى

ۇيىمداستىرۋشىلار:

قازاقستان رەسپۋبليكاسىنىڭ مادەنيەت جانە سپورت مينيسترلىگى؛ قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى؛ قازاقستان رەسپۋبليكاسى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ «ۇلتتىق جانە ات سپورتى تۇرلەرى ورتالىعى» ر م ق ك.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات