ەستونيا عالىمدارى كوروناۆيرۋستىڭ بارلىق شتامىنا قارسى سپرەي جاسادى
Icosagen گەندىك ينجەنەريا كومپانياسىنىڭ عىلىمي ديرەكتورى مارت ۋستاۆ زەرتحانالىق زەرتتەۋلەر BioBlock دەپ اتالاتىن مۇرىنعا ارنالعان سپرەي كوروناۆيرۋستىڭ بارلىق شتامىنا، سونىڭ ىشىندە «دەلتا» شتامىنا قارسى جاسالعانىن مالىمدەدى.
«ءبىز كوماندامەن ۆيرۋستىڭ تارالۋ دەڭگەيىن ۇنەمى باقىلاپ وتىرامىز. BioBlock مۇرىنعا ارنالعان سپرەيىندە ءالى كەڭ تارالماعان شتامداردى دا جويۋ قابىلەتىنىڭ بارىن تەكسەرەمىز»، - دەدى مارت ۋستاۆ.
Bioblock-تى دامىتۋ جانە ساتۋ ءۇشىن كونسورتسيۋم قۇرىلدى، وعان Chemi-Pharm، Icosagen، تارتۋ ۋنيۆەرسيتەتى، ەستونيا جاراتىلىستانۋ ۋنيۆەرسيتەتى جانە Oـ Teadus ja Tegu عالىمدارى مەن ماماندارى كىردى. ءونىم تەحنولوگياسى پاتەنتتەلگەن.
بۇعان دەيىن گارۆارد ۋنيۆەرسيتەتى مەن ماسساچۋسەتس تەحنولوگيالىق ينستيتۋتىنىڭ عالىمدارى 90 مينۋت ىشىندە COVID-19 دياگنوزىن قويۋعا مۇمكىندىك بەرەتىن قورعانىس ماسكاسىن جاساعان. پروتوتيپ مينياتيۋرالىق سەنسورلارمەن جابدىقتالعان، ولارمەن تەك كورونوۆيرۋس ەمەس ءارتۇرلى باكتەريالاردى انىقتاۋعا بولادى.