+7 (701) 759 90 19
9 °С : نۇر-سۇلتان
21 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

اليەۆ وليمپيادادا نارازىلىق ءبىلدىرىپ، ءبىر ساعات بويى رينگتەن كەتپەي قويدى

2 تامىز 09:12
:ءبولىسۋ
اليەۆ وليمپيادادا نارازىلىق ءبىلدىرىپ، ءبىر ساعات بويى رينگتەن كەتپەي قويدى

نۇر-سۇلتان. قازاقپارات - بوكسشى قارسىلاسىن باسىمەن ءبىر ۇرعانى ءۇشىن جەكپە-جەكتەن شەتتەتىلگەن، ول تورەشىنىڭ بۇل شەشىمىنە نارازىلىق ءبىلدىردى.

توكيودا ءوتىپ جاتقان وليمپيادا ويىندارىندا فرانسيا بوكسشىسى مۋراد اليەۆ جەكپە-جەكتە جەڭىلگەنىمەن كەلىسپەي، ءبىر ساعات بويى رينگتەن كەتپەي قويعان.

بوكسشى مۋراد اليەۆ ماسكەۋدە تۋعان، ءبىراق التى جاسىندا وتباسىمەن فرانسياعا كوشىپ كەتكەن. ول اسا اۋىر سالماق دارەجەسىندە شيرەك فينالدا بريتانيالىق فرەيزەر كلاركپەن جۇدىرىقتاستى.

ەكىنشى راۋندتا تورەشى الييەۆتى جەكپە- جەكتەن شەتتەتتى. ويتكەنى بوكسشى قارسىلاسىن ادەيى باسىمەن ۇردى دەپ شەشكەن.

بۇل شەشىمگە ىزالانعان اليەۆ جەڭىلگەنىمەن كەلىسپەي، اۋزىنداعى ءتىسساۋىتىن تۇكىرىپ تاستاپ، تەلەكامەرانى جۇدىرىعىمەن ءبىر ۇرادى. وسىدان كەيىن ول ءبىر ساعات بويى رينگتەن كەتپەي، باسقا جەكپە- جەكتەردى وتكىزۋگە بوگەت جاساعان. ءبىراق اقىرىندا تارتىپكە بوي ۇسىنىپ، شارشى الاڭنان كەتكەن.

ايتا كەتەرى، 91 كەلىدەن استام سالماق دارەجەسىندە ءبىزدىڭ بوكسشى قامشىبەك قوڭقابايەۆ باق سىناپ جاتىر.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات