+7 (701) 759 90 19
°С : نۇر-سۇلتان
°С : الماتى
USD 425.75 EUR 499.32
RUB 5.85 CNY 65.88
جاڭالىقتار

قازاقستانداعى اسكەري اۆياتسيانىڭ جالعىز ايەل ۇشقىشى ەكيپاج كومانديرى اتاندى - فوتو

2 تامىز 07:31
:ءبولىسۋ
قازاقستانداعى اسكەري اۆياتسيانىڭ جالعىز ايەل ۇشقىشى ەكيپاج كومانديرى اتاندى - فوتو

نۇر-سۇلتان. قازاقپارات - اعا لەيتەنانت اردانا بوتاي سۋ-30س م كوپ فۋنكسيونالدى جويعىشىنىڭ ەكيپاج كومانديرى رەتىندە العاشقى جەكە ۇشۋىن ورىندادى، دەپ حابارلايدى ق ر ق م باسپا ءسوز قىزمەتى.

ق ر ق ك اۋە قورعانىسى كۇشتەرىنىڭ باس قولباسشىسى اۆياتسيا گەنەرال- لەيتەنانتى نۇرلان ورمانبەتوۆ دەربەس ۇشۋعا رۇقسات بەرەتىن پراكتيكالىق ەمتيحاندى قابىلدادى.

- قازاقستان رەسپۋبليكاسى قارۋلى كۇشتەرىنىڭ تاريحىندا سۋ-30س م جاۋىنگەرلىك ۇشاعىندا ەكيپاج كومانديرى رەتىندە دەربەس ۇشۋدى العاش رەت ايەل ادام ورىندادى. ونىڭ بۇعان جاقسى دايىندالعانىن، كوك اسپاندى باعىندىرۋعا دەگەن ۇمتىلىسىن، جويعىش ۇشقىش رەتىندە مەملەكەتىمىزدىڭ اۋە شەبىن كۇزەتۋدەگى مىندەتتەردى ورىنداپ جۇرگەنىن اتاپ وتكەن ءجون. ول جاۋىنگەرلىك اۆياتسياداعى ايەلدەردىڭ ەرلەرمەن تەڭ دارەجەدە كۇردەلى مىندەتتەردى ورىنداي الاتىنىن دالەلدەدى، - دەدى اۆياتسيا گەنەرال- لەيتەنانتى نۇرلان ورمانبەتوۆ.


قازاقستانداعى اسكەري اۆياتسيانىڭ جالعىز ايەل ۇشقىشى قاراعاندى اۆيابازاسىندا قىزمەت ەتەدى. بىرنەشە اي بويى اردانا تالدىقورعان قالاسىنداعى اۆياتسيا بازاسىندا ارنايى وقۋدان ءوتتى.


- سۋ-30س م ۇشاعىمەن جەكە ۇشۋ مەن ءۇشىن كاسىبي تۇرعىدا قالىپتاسۋعا جاساعان ۇلكەن قادام. الداعى ماقساتىم تەحنيكانى جاقسارتۋ جانە جەر ۇستىندەگى، اۋەدەگى ماقساتتارعا جانە توپتىق ۇشۋلارعا جاۋىنگەرلىك قولدانۋعا رۇقسات الۋ ءۇشىن ءارى قاراي دايارلىق باعدارلاماسىنا ماشىقتانۋ داعدىلارىن پىسىقتاۋ، - دەپ اردانا بوتاي بولاشاققا ارنالعان جوسپارلارىمەن ءبولىستى. اتالعان سۋ-30س م - كوپفۋنكتسيونالدى 4++ بۋىندى جويعىش ۇشاق.


ول كەز-كەلگەن اۋا-رايى جاعدايىندا، كۇندىز- ءتۇنى ارەكەت ەتۋگە قابىلەتتى. اۋە بارلاۋىن جۇرگىزۋگە، اۋەدە، جەر ۇستىندە جانە تەڭىزدە نىسانداردى جويۋعا ارنالعان. جوعارى مانەۆرلى جويعىش ۇشاقپەن ۇشۋعا رۇقسات الۋ ءۇشىن بىرنەشە اي بويى تەوريالىق ءبىلىم الىپ، ارنايى سۋ-30س م ترەناجەرىندا جاتتىعادى، شتۋرمان رەتىندە ۇشادى. كوپتەگەن سىناقتار مەن ەمتيحانداردى ءساتتى تاپسىرعان سوڭ عانا، تاۋەلسىز ۇشۋعا رۇقسات الادى.




:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات