قازاقستاندىق ۆاكسينا بەس دوزاعا دەيىن قۇيىلادى - جاڭا قاۋلى

نۇر-سۇلتان. قازاقپارات – ق ر باس مەملەكەتتىك سانيتاريالىق دارىگەرى ەرلان قياسوۆ كوروناۆيرۋس ينفەكسياسىنىڭ الدىن الۋ ماقساتىندا قاۋلىسىن تولىقتىردى، دەپ حابارلايدى قازاقپارات.

جاڭا قۇجاتتا «QazCovid-in» (قازىرگى «QazVac») ۆاكسيناسىنىڭ سيپاتتاماسى جازىلعان.

«ق ر ب م س د №28-قاۋلىسى مىناداي مازمۇنداعى 58-1-تارماعىمەن تولىقتىرىلسىن: «QazCovid-in» ۆاكسيناسىن شىعارۋ نىسانى: 0,5 م ل (ءبىر دوزا)، 1,0 م ل (ەكى دوزا)، 1,5 م ل (ءۇش دوزا)، 2,5 م ل (بەس دوزا)، سىيىمدىلىعى 3 م ل، رەزەڭكە تىعىنمەن تىعىندالعان جانە Flip-off ءتيپتى پلاستيكالىق قاقپاعى بار مەتالل قالپاقپەن ورالعان، Ι كلاستى ءمولدىر شىنىدان جاسالعان قۇتىدا.

ۆاكسينانىڭ اشىق قۇتىسى اسەپتيكا جاعدايلارىنىڭ بۇزىلۋ قاۋپىنە بايلانىستى اشىلعاننان كەيىن ساقتالمايدى جانە بىردەن پايدالانىلادى. ۆاكسيناسى بار كوپدوزالى قۇتىنى اشۋ ۆاكسينانىڭ قۇيىلۋىن بارىنشا ازايتۋ ءۇشىن 3 نەمەسە 5 (قۇتىنىڭ كولەمىنە سايكەس) الەۋەتتى ەگىلەتىن ادامدار بولعان كەزدە ۇسىنىلادى». وسى قاۋلىنىڭ ورىندالۋىن باقىلاۋدى وزىمە قالدىرامىن. قاۋلى قول قويىلعان كۇنىنەن باستاپ كۇشىنە ەنەدى»، - دەلىنگەن قۇجاتتا.