ا ق ش- تا ماسكا تاعۋ رەجيمى قايتادان ەنگىزىلدى
لوس- اندجەلەس، اتلانتا، كانزاس سيتي مەن ۆاشينگتون - سولاردىڭ العاشقىلارى. مۇنداي شەكتەۋلەردى ەنگىزۋگە دەلتا شتامىنىڭ ءورشۋى مەن ۆاكسينالاۋ ناۋقانىنىڭ ەداۋىر تەجەلۋى تۇرتكى بولدى دەيدى ماماندار. وسى اپتانىڭ وزىندە كوۆيدپەن اۋىرعانداردىڭ 92 پروتسەنتى دەلتا شتامىن جۇقتىرعان بولىپ شىقتى. ال ۆاكسينا العانداردىڭ ۇلەسى حالىقتىڭ 50 پروتسەنتىنەن دە اسپايدى. بۇلاي جالعاسا بەرسە، كەزەكتى لوكداۋن جاريالانۋى ابدەن مۇمكىن دەيدى ماماندار.
الان حاريس، جەدەل جاردەم قىزمەتىنىڭ مامانى:
- كوۆيدپەن اۋىرعانداردىڭ سانى ارتىپ كەلەدى. سوڭعى ءۇش اپتادا ءبىزدىڭ اۋرۋحاناعا تۇسكەندەردىڭ سانى ەكى ەسەگە ءوستى. حالىقتىڭ باسىم بولىگى ۆاكسينالانباسا ۋاقىت وتكەن سايىن ىندەت اسقىنىپ، ادامنان ادامعا تارالۋى كۇشەيە تۇسپەك. امەريكالىقتار سونى تۇسىنبەي وتىر.
ناۋقاس:
- مەن ۆاكسينا الامىن با دەپ ويلانىپ جۇرگەنىمدە كوۆيدپەن قاتتى اۋىرىپ، اۋرۋحانادان ءبىر- اق شىقتىم. ءولىم مەن ءومىردىڭ ورتاسىندا ارپالىستىم دەۋگە دە بولادى. ونىمەن قويماي، مەنىڭ كەسىرىمنەن وتباسىم دا ىندەتتى جۇقتىرىپ ۇلگەردى. مۇنداي حالگە تۇسەتىنىمدى جانە وسىلاي بولاتىنىن بىلگەنىمدە ۆاكسينانى ەش ويلانباستان الاتىن ەدىم.
www.24.kz