دەنساۋلىق ساقتاۋ مينيسترلىگى ۆاكسينالاردىڭ ساقتالۋىنا باقىلاۋدى كۇشەيتتى

None
None
نۇر- سۇلتان. قازاقپارات - دەنساۋلىق ساقتاۋ مينيسترلىگى ۆاكسينالاردىڭ ساقتالۋىنا باقىلاۋدى كۇشەيتتى، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.

ەلىمىزدىڭ پرەزيدەنتى قاسىم- جومارت توقايەۆ 2021 -جىلعى 19-شىلدەدەگى ەلدەگى ەپيدەميولوگيالىق جاعداي جونىندەگى كەڭەستە قازاقستاننىڭ كەيبىر وڭىرلەرىندە كوروناۆيرۋسقا قارسى ۆاكسينا دۇرىس ساقتالماعان دەپ اتاپ ايتتى.

«وڭىرلەردىڭ ءبارى بىردەي بۇل جۇمىستى ءتيىستى دەڭگەيدە ۇيىمداستىرمايدى. ۆاكسينالاردى ساقتاۋدىڭ تەمپەراتۋرالىق رەجيمىن بۇزۋدىڭ كوپتەگەن فاكتىلەرى ەگۋ پۋنكتتەرىنىڭ شامامەن %30 ندا انىقتالدى»- دەدى مەملەكەت باسشىسى.

بۇل اقپاراتتى 2021 -جىلعى 23-شىلدەدەگى بريفينگتە قازاقستان رەسپۋبليكاسى دەنساۋلىق ساقتاۋ مينيسترلىگىنىڭ وكىلدەرى راستادى. ەستەرىڭىزگە سالا كەتەيىك، اعىمداعى جىلعى اقپاندا COVID-19 كوروناۆيرۋس ينفەكسياسىنا قارسى ۆاكسينالاۋ باستالعان كەزدە ەلىمىزدە 200 دەن استام ەگۋ پۋنكتى جۇمىس ىستەدى، اعىمداعى جىلعى 23-شىلدەدەگى جاعداي بويىنشا 2300 دەن استام پۋنكت جۇمىلدىرىلدى. باستاپقىدا سانيتاريالىق- ەپيدەميولوگيالىق قىزمەت ۆاكسيناتسيا پروتسەسى باستالعانعا دەيىن ەگۋ پۋنكتتەرىنىڭ اشىلۋىنا بايلانىستى تەكسەرۋلەر جۇرگىزدى. سونداي- اق، ۆاكسينالاۋ كەزىندە سانيتاريالىق قاعيدالار تالاپتارىنىڭ ساقتالۋىنا، ونىڭ ىشىندە سالقىن تىزبەكتىڭ ساقتالۋىنا مونيتورينگ جاساۋ ءۇشىن جاعدايدى بارىپ باقىلاۋ جۇرگىزىلەدى. نەگىزىنەن، ءاربىر ءۇشىنشى ەگۋ پۋنكتىندە (شامامەن %30) جۇمىسقا رۇقسات العانعا دەيىن سانيتاريالىق قاعيدالار تالاپتارىنىڭ بۇزىلاتىنى انىقتالدى. بۇزۋشىلىقتار جويىلعانعا دەيىن وسى ەگۋ پۋنكتتەرىن پايدالانۋعا رۇقسات ەتىلگەن جوق.

ۆاكتسينالاردى ساقتاۋ جانە تاسىمالداۋ كەزىندە «سالقىن تىزبەك» تالاپتارىن ساقتاۋ حالىققا پروفيلاكتيكالىق ەگۋدى جۇرگىزۋ كەزىندە ماڭىزدى شارت بولىپ تابىلادى. بارلىق ۇيىمداستىرۋشىلىق جانە پراكتيكالىق ءىس- شارالار ۆاكتسينالاردى ساقتاۋدىڭ وڭتايلى تەمپەراتۋرالىق جاعدايلارىن ساقتاۋعا باعىتتالۋى ءتيىس. سانيتاريالىق- ەپيدەميولوگيالىق قىزمەت قولدانىستاعى ەگۋ پۋنكتتەرىندە سالقىن تىزبەكتىڭ، ۆاكسيناتسيانى ۇيىمداستىرۋ جانە جۇرگىزۋ قاعيدالارىنىڭ، ونىڭ ىشىندە تەمپەراتۋرالىق رەجيمنىڭ ساقتالۋىنا تۇراقتى نەگىزدە مونيتورينگتى جۇزەگە اسىرادى.

«ۆاكسينانى ساقتاۋدىڭ تەمپەراتۋرالىق رەجيمىن ساقتاۋ - ۆاكسينالاۋ تيىمدىلىگىنىڭ كەپىلى. دەنساۋلىق ساقتاۋ مينيسترلىگى مەملەكەت باسشىسىنىڭ تاپسىرماسىن ەرەكشە باقىلاۋعا الىپ وتىر»، - دەلىنگەن حابارلامادا.

سوڭعى جاڭالىقتار