تۇركياداعى يزمير قالاسىنان ءورت شىقتى

نۇر-سۇلتان.قازاقپارات -قازىر توتەنشە جاعدايلار قىزمەتى ايماقتا وتپەن ارپالىسىپ جاتىر. سونىمەن قاتار قازىر انتاليانىڭ ماناۆگات اۋدانىنداعى سالۋر ەلدى مەكەنىن دە ءورت شالدى.

ايماقتاعى قۇتقارۋشىلار تۇگەلدەي وسىندا جۇمىلدىرىلعان. وسىمەن ماناۆگات اۋدانىنا قاراستى 106 ەلدى مەكەننىڭ 42 ءسى زارداپ شەكتى، 27 ءسى ەۆاكۋاتسيالاندى. بۇدان بولەك، مارماريستە دە وسىدان جارتى ساعات بۇرىن جالىن كوتەرىلگەن. مۋنيتسيپاليەت باسشىسى حالىقتى سىرتقا شىقپاۋعا شاقىردى.

مەحمەت وكتاي، مارماريا مۋنيتسيپاليتەتى باسشىسى:

- قۇرمەتتى مارماريس تۇرعىندارى مەن قىمباتتى قوناقتار! 26 ساعاتتان بەرى مارماريستە وكپەمىز كۇيىپ جاتىر. جاعدايعا قاتىستى بارلىق مەكەمە جۇمىلدىرىلدى. دەگەنمەن ءورتتى سوندىرە العان جوقپىز. بارىڭىزدەن سۇرايمىن، قاتتى قاجەت بولماعان جاعدايدا جەكە كولىگىڭىزبەن سىرتقا شىقپاڭىز. جەدەل جاردەم، ءورت ءسوندىرۋ توپتارىمىز دەر كەزىندە اپات ورنىنا جەتە الماي وتىر. ءوتىنىش، سىرتقا شىقپاڭىز!

www.24.kz