ەرالى توعجانوۆ: جاۋاپكەرشىلىگى بار ش و ب نىساندارىنىڭ جۇمىس ىستەۋىنە بارلىق جاعداي جاسالادى

None
None
نۇر- سۇلتان. قازاقپارات - بۇگىن پرەمەر- ءمينيستردىڭ ورىنباسارى ەرالى توعجانوۆ Ashyq جوباسىنا بەلسەندى قاتىساتىن بيزنەس- قوعامداستىق وكىلدەرىمەن ونلايندا كەزدەسۋ وتكىزدى، دەپ حابارلايدى قازاقپارات primeminister.kz-كە سىلتەمە جاساپ.

اتالمىش جوبا مەملەكەت باسشىسىنىڭ تاپسىرماسى بويىنشا ىسكە اسىرىلدى جانە بۇگىنگى كۇنى ءوزىنىڭ تيىمدىلىگىن كورسەتتى. كەڭەسكە مەملەكەتتىك ورگانداردىڭ باسشىلارى، بارلىق وڭىرلەردىڭ اكىمدىكتەرى، «اتامەكەن» ۇلتتىق كاسىپكەرلەر پالاتاسى جانە Ashyq جوباسىنىڭ كوشباسشىلارى قاتىستى. قازىر Ashyq جۇيەسىندە 45 مىڭنان استام كاسىپكەرلىك وبەكتىسى جۇمىس ىستەيدى، 4 ميلليون استام پايدالانۋشى تىركەلگەن. Ashyq جوباسى ەنگىزىلگەن ساتتەن باستاپ «قىزىل» جانە «سارى» مارتەبەسى بار 23 مىڭنان استام كەلۋشى انىقتالدى (ونىڭ ىشىندە وڭ پ ت ر تەستى بار 13516 ازامات جانە 9688 - ناۋقاستارمەن قارىم- قاتىناستا بولعاندار).

ۆيتسە- پرەمەر ەلىمىزدەگى ەپيدەميولوگيالىق جاعداي وتە كۇردەلى ەكەنىن، 16 ءوڭىر «قىزىل» ايماقتا تۇرعانىن اتاپ ءوتتى. ەلىمىزدىڭ ەمدەۋ ستاتسيونارلارىنداعى توسەك ورىندارىنىڭ تولىمدىلىعى %54 عا جەتتى. دەنساۋلىق ساقتاۋ جۇيەسى وتكەن جىلمەن سالىستىرعاندا ەكى ەسە كوپ جۇكتەمەمەن جۇمىس جاساپ جاتىر. كوروناۆيرۋس ينفەكسياسىن تاراتپاۋ جونىندەگى جاعدايدى باسقارۋ، كاسىپكەرلەر تاراپىنان ەلدەگى كۇردەلى جاعدايعا تۇسىنىستىكپەن قاراۋى جانە جاردەمدەسۋى پاندەميامەن كۇرەستە وتە ماڭىزدى فاكتور. Ashyq جۇيەسى اياسىنداعى جۇمىس الەۋمەتتىك- ەكونوميكالىق نىساندارداعى سانيتاريا- ەپيدەميولوگيا جاعدايىن باقىلاۋعا الىپ قانا قويماي، بيزنەستىڭ فۋنكتسيونالىن جوعالتپاۋعا، جۇمىس ورىندارىن ساقتاۋعا مۇمكىندىك بەردى. بيزنەس وكىلدەرى ءوز تاراپىنان كارانتين جاعدايىندا جۇمىس ىستەۋگە مۇمكىندىك بەرگەنى ءۇشىن العىس ءبىلدىرىپ، وزدەرىنە العان بارلىق مىندەتتەمەنى ودان ءارى ساقتاۋدى جالعاستىراتىنىن جانە ارىپتەستەرىن دە وسىعان شاقىراتىنىن جەتكىزدى.

«ءبىز ەكونوميكانىڭ دامۋىن، سونداي- اق 2 ملن- نان استام ادام جۇمىس جاسايتىن قىزمەت كورسەتۋ سەكتورىنداعى شاعىن جانە ورتا بيزنەستىڭ جۇمىسىن توقتاتپاۋ ءۇشىن ءارقاشان كاسىپكەرلەردىڭ ادال جۇمىسىن ۇستانامىز. مەملەكەتتىڭ سەنىمدى ءارى جاۋاپكەرشىلىكتى بيزنەسكە قولداۋ بىلدىرگەنىنە ريزامىز»، — دەدى «اتامەكەن» ۇ ك پ باسقارما ءتوراعاسى ا. مىرزاحمەتوۆ. سونداي- اق، كاسىپكەرلەر ەكى اپتانىڭ مونيتورينگى بويىنشا 2-9-تامىز ارالىعىندا ۇزدىك كورسەتكىشتەرگە يە بولعان جۇيە كوشباسشىلارىنا دەمالىس كۇندەرى جۇمىس ىستەۋگە مۇمكىندىك بەرۋدى قاراستىرۋ تۋرالى باستاما كوتەردى. بۇدان بولەك، Ashyq جوباسى كوشباسشىلارىنىڭ قوعامدىق قوزعالىسىن قۇرۋ تۋرالى شەشىم قابىلداندى.

ە. توعجانوۆ مەملەكەت ش و ب جاۋاپتى نىساندارىنىڭ جۇمىسى ءۇشىن بارلىق جاعدايدى جاسايتىنىن ايتتى. تابىس تابۋ مەن ازاماتتاردىڭ دەنساۋلىعىن قورعاۋ اراسىنداعى تەپە- تەڭدىكتى تابۋ قاجەتتىلىگىنە شاقىردى. سونداي- اق، ول قالىپتى ءومىر تىرشىلىگىنە قايتا ورالۋدىڭ جالعىز جولى - ۆاتسينا الۋ ەكەنىن جانە ۇجىمدىق يممۋنيتەتتى قالىپتاستىرۋ ءۇشىن ۆاكتسينا الۋدىڭ ماڭىزدىلىعى تۋرالى كەڭ اقپاراتتىق ساياسات جۇرگىزۋ كەرەكتىگىن اتاپ ءوتتى.

كەزدەسۋدى قورىتىندىلاي كەلە، پرەمەر- ءمينيستردىڭ ورىنباسارى جاۋاپتى مەملەكەتتىك ورگاندار مەن اكىمدىكتەرگە «اتامەكەن» ۇ ك پ- مەن بىرلەسىپ، بارلىق ايتىلعان باستامالاردى پىسىقتاۋدى جانە قاجەت بولعان جاعدايدا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا وتىرىسىندا كەلىسىلگەن ۇسىنىستاردى ەنگىزۋدى تاپسىردى.


سوڭعى جاڭالىقتار