ەل اۋماعىندا دوپينگپەن ۇستالعان سپورتشىلار بار - اۋىر اتلەتيكا فەدەراتسياسى

None
None
نۇر- سۇلتان. قازاقپارات - رەسپۋبليكا بويىنشا اۋىر اتلەتيكا جارىستارىندا دوپينگپەن ۇستالىپ جاتقان سپورتشىلار بار. بۇل تۋرالى ق ر اۋىر اتلەتيكا فەدەراتسياسىنىڭ اتقارۋشى ديرەكتورى الديار نۇرالينوۆ ءمالىم ەتتى، دەپ حابارلايدى قازاقپارات ءتىلشىسى.

«كەلەسى وليمپيادا ويىندارىنا تولىق قۇرامدا قاتىسۋدى جوسپارلاپ وتىرمىز. توكيو وليمپيداسىندا بىلىكتىلىك جۇيەسى بىرنەشە شەكتەۋدى بولجادى، وسىعان وراي قازاقستان 2 سپورتشىنى قاتىستىرۋ جونىندە شەشىم قابىلدادى. ءبىزدىڭ فەدەراتسيا دوپينگكە قارسى ءبىلىم بەرۋ، سەمينار، ترەنينگتەردى ۇزبەي وتكىزىپ كەلەدى. الەمدىك جارىستارعا جىبەرمەس بۇرىن اتلەتتەردى دوپينگكە قارسى تەكسەرۋدەن وتكىزەمىز، ماقسات - سپورتشىلاردىڭ تازا ەكەندىگىنە تاعى ءبىر رەت كوز جەتكىزۋ. اعىمداعى ءتارتىپبۇزۋشىلىقتارعا كەلسەك، ەل كولەمىندە دوپينگ ەرەجەسىن بۇزۋشىلىق بار، ءبىز اتلەتتەردى ۇستاپ جاتىرمىز. جۋىردا عانا قوستانايدا اۋىر اتلەتيكادان وتكەن جاستار ويىنى بارىسىندا دوپينگ جاعدايى تىركەلدى. ونداي ساتتە ءار جاعداي جەكە قارالىپ، تەكسەرىلەدى»، - دەدى الديار نۇرالينوۆ و ك ق- دە ونلاين وتكەن باسپا ءسوز ءماسليحاتىندا.

سونداي- اق، فەدەراتسيا باسشىسى ەلىمىزدە دوپينگپەن كۇرەس جۇمىسى جالعاسا بەرەتىنىن العا تارتتى.

«بۇل باعىتتاعى جۇمىستاردى توقتاتپايمىز. الداعى ۋاقىتتا حالىقارالىق باقىلاۋشىلار كەلەدى. حالىقارالىق تەستىلەۋ اگەنتتىگىمەن بىرلەسىپ ارەكەت ەتۋ ماسەلەسى قارالىپ جاتىر. اگەنتتىك وكىلدەرى وسىدان بىرنەشە اپتا بۇرىن عانا توكيو وليمپياداسىنا باراتىن ءبىزدىڭ اۋىر اتلەتتەردى دوپينگكە قارسى تەستىلەۋدەن وتكىزگەن بولاتىن. ودان بولەك، سپورتشىلارىمىز قازاق ۇلتتىق دوپينگكە قارسى ورتالىقتىڭ ءجىتى باقىلاۋىندا»، - دەيدى ول.


سوڭعى جاڭالىقتار