اقتاۋدا پىشاقپەن قارۋلانعان قاراقشىلار لوتەرەيا كلۋبىنا شابۋىل جاسادى

None
None
اقتاۋ. قازاقپارات - اقتاۋدا لوتەرەيا كلۋبىنا قاراقشىلىق شابۋىل جاسالدى، دەپ حابارلايدى قازاقپارات ءتىلشىسى.

قاراقشىلار مەكەمەدەن ءبىر ميلليوننان استام تەڭگە الىپ كەتتى. وقيعا 5 شاعىن اۋدانداعى «Loto Club» لوتەرەيا كلۋبىندا بولعان. ول جەرگە ەكى ەر ادام كىرىپ كەلىپ، قوماقتى قارجىنى قولدى قىلعان.

«قاسكۇنەمدەر كۇزەتشى مەن كاسسيرشى قىزدى پىشاقپەن قورقىتقان. وسىلايشا، كاسسادان 1 ميلليون 150 مىڭ تەڭگە ۇرلاپ، سودان كەيىن وقيعا ورنىنان قاشىپ كەتكەن»، - دەپ حابارلادى وبلىستىق پوليتسيا دەپارتامەنتىنىڭ باسپا ءسوز قىزمەتى.

جەدەل- ىزدەستىرۋ شارالارىن جۇرگىزۋ بارىسىندا پوليسيا قىزمەتكەرلەرى ماڭعىستاۋ وبلىسىنىڭ ەكى تۇرعىنىن انىقتاپ، ۇستادى.

«اتالعان دەرەك بويىنشا ق ر ق ك 192-بابىنىڭ 2-بولىگى بويىنشا سوتقا دەيىنگى تەرگەۋ باستالدى. مامانداندىرىلعان تەرگەۋ سوتىنىڭ سانكتسياسىمەن ۇستالعاندارعا قاتىستى كۇزەتپەن ۇستاۋ تۇرىندەگى بۇلتارتپاۋ شاراسى تاڭدالدى. وزگە اقپارات تەرگەۋ مۇددەسىنە بايلانىستى جاريا ەتىلمەيدى»، - دەلىنگەن حابارلامادا.



سوڭعى جاڭالىقتار